The news is by your side.

Advertisement

’’امارت اسلامی افغانستان کو عالمی برادری میں جلد مضبوط جگہ مل جائے گی‘‘

کابل: امارات اسلامی افغانستان کی نئی حکومت کو اب مختلف ممالک نے قبول کرنا شروع کردیا، جس کے تحت ازبکستان کے وزیر خارجہ وفد کے ہمراہ کابل پہنچ گیے۔

اے آر وائی نیوز کے مطابق عالمی برادری کی سرد مہری میں کمی آنے لگی کیونکہ طالبان کے ساتھ تعلقات  میں پڑی دراڑ کم ہونے اور برف پگھلنا شروع ہوگئی ہے۔

ازبک وزیر خارجہ وفد کے ہمراہ  کابل پہنچے جہاں انہوں نے امارات اسلامی افغانستان کے وزیرخارجہ سمیت اہم رہنماوں سے ملاقاتیں  کیں۔

ازبک وزیر خارجہ عبدالعزیز کاملوف   کا کہنا تھا ازبکستان افغانستان کے ساتھ دو طرفہ تعلقات اور مشترکہ مفادات کو اہمیت دیتا ہے ، ہماری خارجہ پالیسی کسی مسئلے سے نہیں جڑی، امارات اسلامی افغانستان  کو عالمی برادری میں جلد مضبوط جگہ مل جائے گی ‘۔

انہوں نے کہا کہ افغانستان کے ساتھ ٹرانزٹ، توانائی اور تجارت  کے وعدوں  پر قائم ہیں اور معاہدے کے تحت کام جاری رکھیں گے۔

دوسری جانب روس نے  افغانستان کی صورت حال پر عالمی اجلاس میں طالبان رہنماؤں کو شرکت کی دعوت  دینے کافیصلہ کرلیا۔ روسی صدر پیوٹن کے نمائندہ خصوصی ضمیر کابلوف نے بتایا  کہ بیس اکتوبر کو ماسکو  میں ہونے والے اجلاس میں طالبان رہنماؤں کو شرکت کا دعوت نامہ بھیجا جارہا ہے۔

Comments

یہ بھی پڑھیں