The news is by your side.

Advertisement

قابض فورسز کا کریک ڈاؤن، 900 کشمیری نوجوان گرفتار

مقبوضہ کشمیر میں بھارتی پولیس نے کریک ڈاؤن کرتے ہوئے 900 سے زائد کشمیری نوجوانوں کو گرفتار کرلیا۔

کشمیر میڈیا سروس کے مطابق وادی کے مختلف علاقوں میں بھارتی پولیس نے کریک ڈاؤن کرتے ہوئے 900 سے زائد کشمیری نوجوانوں کو گرفتار کرلیا۔

کشمیر میڈیا سروس کا کہنا ہے کہ نوجوانوں کو مجاہدین کے ساتھ رابطوں کے جعلی الزامات لگا کر گرفتار کیا گیا ہے۔
بھارتی میڈیا نے پولیس ایکشن کی تصدیق کرتے ہوئے 700 نوجوانوں کی گرفتاری ظاہر کردی۔

کشمیر میڈیا سروس کے مطابق وادی میں کریک ڈاؤن کشمیری پنڈت کی ٹارگٹ کلنگ کے بعد شروع ہوا۔

مزید پڑھیں: جنت نظیر وادی میں بھارتی فوج کی بربریت، 3 کشمیری شہید

حریت کانفرنس اور دیگر تنظیموں نے قتل کو بھارتی خفیہ ایجنسیوں کی کارستانی قرار دیتے ہوئے کہا کہ یہ آزادی کی لڑائی بدنام کرنے کی سازش ہے جو بھارتی خفیہ ایجنسیوں نے رچائی ہے۔

حریت رہنماؤں نے اقوام متحدہ سے واقعے کا نوٹس لے کر تحقیقات کرانے کا مطالبہ کردیا۔

واضح رہے کہ گزشتہ ماہ ضلع بارہ مولہ کے علاے اُڑی میں بھارتی فوج نے جعلی مقابلے کے نام پر تین جوانوں کو شہید کردیا تھا۔

اس سے قبل بھی مقبوضہ کشمیر کے ضلع کلگام میں سرچ آپریشن کے دوران قابض بھارتی فورسز نے فائرنگ کرکے تین کشمیری نوجوانوں کو شہید کردیا تھا۔

Comments

یہ بھی پڑھیں