The news is by your side.

Advertisement

حیدرآباد: ٹرانسفارمر پھٹنے سے ہلاکتیں، حیسکو پر بھاری جرمانہ عائد

حیدرآباد کے علاقے لطیف آباد میں ٹرانسفارمر پھٹنے سے ہلاکتوں پر حیسکو پر 2 کروڑ 60 لاکھ روپے جرمانہ عائد کردیا گیا۔

اے آر وائی نیوز کے مطابق نیپرا نے حیدرآباد کے علاقے لطیف آباد میں ٹرانسفارمر پھٹنے سے ہلاکتوں پر حیسکو پر 2 کروڑ 60 لاکھ روپے جرمانہ عائد کردیا۔

نیپرا کا کہنا ہے کہ حیسکو میں ٹرانسفارمر پھٹنے سے 10 افراد جاں بحق اور 12 زخمی ہوئے تھے۔

نیپرا نے حیسکو کو سوگوار خاندانوں کو حیسکو ملازمین کے برابر 35 لاکھ روپے فی کس دینے کی ہدایت کردی جبکہ زخمی شہریوں کو حیسکو ملازمین کے برابر 7 لاکھ 50 ہزار فی کس دینے کی ہدایت کی گئی۔

مزید پڑھیں: حیدرآباد میں ٹرانسفار پھٹنے سے 10 افراد جھلس گئے

نیپرا کا کہنا ہے کہ اموات میں ایک حیسکو کا ملازم جبکہ 9 عام شہری شامل تھے، اتھارٹی نے تحقیقات کے لیے تین ارکان پر مشتمل کمیٹی تشکیل دی تھی، تحقیقاتی ٹیم نے متاثرہ ٹرانسفارمر بنانے والی کمپنی کا بھی دورہ کیا۔

تحقیقاتی ٹیم نے تفتیش مکمل کرنے کے بعد اتھارٹی کو رپورٹ پیش کی تھی، نیپرا کی جانب سے معاوضے کی تفصیلات اتھارٹی کے ساتھ شیئرکرنے کی بھی ہدایت کی گئی ہے۔

Comments

یہ بھی پڑھیں