The news is by your side.

Advertisement

صبا فیصل کی بہو نے طلاق کی خبروں پر خاموشی توڑ دی

پاکستانی ڈرامہ انڈسٹری کی سینئر اداکارہ صبا فیصل کی بہو نیہا ملک نے شوہر سلمان فیصل سے علیحدگی کی خبروں پر خاموشی توڑ دی۔

شوبز انڈسٹری کی سینئر اداکارہ صبا فیصل کی بہو نیہا ملک نے انسٹاگرام پر اسٹوری شیئر کرتے ہوئے شوہر سلمان فیصل سے علیحدگی کی خبروں کی تردید کردی۔

نیہا ملک نے لکھا کہ ’وہ لوگ جو ہمارے دوبارہ ملنے کے حوالے سے سوال کررہے ہیں تو یہ بات میں واضح کردوں کہ ہم کبھی علیحدہ ہی نہیں ہوئے تھے۔‘

انہوں نے لکھا کہ ’الحمد للہ ہم شادی شدہ ہیں اور انشا اللہ ہمیشہ ایک ساتھ رہیں گے۔‘

نیہا ملک نے مداحوں سے اپیل کی کہ وہ ہماری خوشحال، کامیاب اور خوشیوں سے بھری زندگی کے لیے دعا کیا کریں۔
نیہا ملک نے مزید لکھا کہ ’آپ سب کے سوالات میرے لیے بہت اہم ہیں۔‘

واضح رہے کہ اداکار سلمان فیصل اور نیہا ملک دو سال قبل رشتہ ازدواج میں منسلک ہوئے تھے، اداکار کی شادی میں شوبز انڈسٹری کی معروف شخصیات نے شرکت کی تھی۔

Comments

یہ بھی پڑھیں