رومانیہ کے الیکٹرو پاپ بینڈ ایکسنٹ کے گلوکار اینڈرین سینا نے چھٹیاں پاکستان میں گزارنے کا فیصلہ کرلیا۔
رومانیہ کے الیکٹرو پاپ بینڈ ایکسنٹ کے گلوکار اینڈرین سینا نے گلگت بلتستان کے ضلع ہنزہ میں چھٹیاں گزارنے کا فیصلہ کرلیا، گلوکار نے پاکستان کے سیاحتی مقام کی ویڈیو بھی شیئر کی جسے مداحوں کی جانب سے خوب سراہا جارہا ہے۔
ایڈرین سینا نے ویڈیو شیئر کرتے ہوئے لکھا کہ ’اس بار میں نے اپنی چھٹیاں ’ہنزہ‘ پاکستان میں گزارنے کا فیصلہ کیا ہے تاکہ دنیا کو دکھایا جاسکے کہ پاکستان ایک محفوظ اور خوبصورت ملک ہے۔‘
View this post on Instagram
مداحوں کی جانب سے گلوکار کو خوش آمدید کہا جارہا ہے، ایک صارف نے لکھا کہ ’ہم آپ سے محبت کرتے ہیں اور آپ کو پاکستان میں خوش آمدید کہتے ہیں۔‘
گلوکار نے چند گھنٹوں قبل ویڈیو شیئر کی جسے اب تک ہزاروں صارفین دیکھ چکے ہیں۔
واضح رہے کہ رواں سال فروری میں گلوکار ایڈرین سینا نے یورپ میں منعقد ہونے والے یوٹیوب میوزک فیسٹیول میں پاکستانی کرتا پہن کر مداحوں کو حیران کرنے کے ساتھ ساتھ ان کے دل بھی جیت لیے تھے۔
ایکسنٹ بینڈ کے آفیشل فیس بک اکاؤنٹ پر جاری پوسٹ میں گلوکار نے تصدیق کی تھی کہ ان کا کرتا پاکستانی ہے۔
خیال رہے کہ یہ پہلی مرتبہ نہیں کہ رومانیہ کے گلوکار نے پاکستانی ثقافت سے محبت کا اظہار کیا ہو اس سے قبل یوم پاکستان پر بھی انہوں نے پیغام شیئر کیا تھا۔