نوجوانوں کے خطرناک کرتب دکھانے کی ویڈیو اکثر سوشل میڈیا پر وائرل ہوجاتی ہیں جسے دیکھ کر صارفین حیران رہ جاتے ہیں۔
چین میں ایسی ہی ایک ویڈیو وائرل ہورہی ہے جس میں دیکھا جاسکتا ہے باپ بیٹے خطرناک کرتب دکھا رہے ہیں اور کرتب دیکھتے ہوئے قرب و جوار میں موجود لوگ حیرانی سے سارا منظر دیکھ رہے ہیں۔
ویڈیو میں دیکھا جاسکتا ہے کہ باپ ایک بانس پکڑے کھڑا ہے اسی اثنا میں بیٹا دوڑتے ہوئے آتا ہے اور سیڑھیوں کی طرح بانس کے اوپر چڑھ کر بیٹھ جاتا ہے۔
نوجوان لڑکا بانس کے اوپر ایک ہاتھ چھوڑ کر کھڑا بھی ہوتا ہے اور باپ بھی کمال مہارت سے بانس کو بیلنس کیے رکھتا ہے۔
Father and son's powerful performance.
Please don't imitate if you are non-professional. pic.twitter.com/F80AyyMzkI— Zhang Heqing张和清 (@zhang_heqing) October 23, 2021
ویڈیو میں دیکھا جاسکتا ہے کہ نوجوان جس رفتار سے بانس پر چڑھتا ہے ایسی رفتار سے نیچے اترتے ہوئے اپنا کرتب مکمل کرلیتا ہے۔
مذکورہ ویڈیو ژینگ نامی ٹویٹر صارف کی جانب سے شیئر کی گئی اور کیپشن لکھا گیا کہ باپ اور بیٹے نے کمال کارکردگی دکھائی، اگر آپ تربیت یافتہ نہیں ہیں تو براہ کرم ان کی نقل نہ کریں۔