The news is by your side.

Advertisement

محمد رضوان نے عوام سے اہم درخواست کردی

قومی کرکٹ ٹیم کے وکٹ کیپر بلے باز محمد رضوان نے اپنے پیغام میں عوام سے دعاؤں کی درخواست کردی۔

قومی ٹیم کے وکٹ کیپر بلے باز محمد رضوان نے سماجی رابطے کی ویب سائٹ ٹویٹر پر لکھا کہ ’نظام چلانے والی ذات صرف اللہ پاک کی ہے، آپ کے خواب آپ کو اس وقت تک جگائے رکھیں جب تک وہ پورے نہ ہوجائیں۔

وکٹ کیپر نے عوام سے قومی ٹیم کے لیے دعاؤں کی بھی درخواست کی۔

واضح رہے کہ محمد رضوان کو نمیبیا کے خلاف میچ میں 79 رنز کی شاندار اننگز کھیلنے پر میچ کا بہترین کھلاڑی قرار دیا گیا تھا۔

محمد رضوان کا کہنا تھا کہ ہمارے تمام کھلاڑی اچھا کھیل پیش کر رہے ہیں ہم اپنی پوری محنت کر رہے ہیں باقی ‏سب اللہ پرہے۔

یاد رہے کہ قومی ٹیم نے دو روز قبل نمیبیا کو شکست دے کر ٹی 20 ورلڈ کپ کے سیمی فائنل کے لیے کوالیفائی کرلیا ہے جبکہ اب پاکستان 7 نومبر کو اسکاٹ لینڈ کے خلاف اپنا آخری گروپ میچ کھیلے گا۔

Comments

یہ بھی پڑھیں