اقوام متحدہ کے سیکریٹری جنرل انتونیو گوتریس نے ہالی ووڈ اداکار لیونارڈو ڈی کیپریو کا کوپ 26 میں تعاون پر شکریہ ادا کیا۔
ہالی ووڈ اداکار لیونارڈو ڈی کیپریو نے کوپ 26 میں شرکت کرتے ہوئے کہا تھا کہ دنیا اس وقت ماحولیاتی بحران کا شکار ہے۔
واضح رہے کہ ہالی ووڈ اداکار لیونارڈو ڈی کیپریو نے کوپ 26 سے متعلق ٹویٹ میں کہا تھا کہ کوپ 26 زمین اور انسانوں کے تحفظ کے لیے اہم ترین موڑ ہونا چاہیے۔
انہوں نے لکھا تھا کہ اس وقت دنیا لیڈروں کو دیکھ رہی ہے، دنیا ہم پر زور دے رہی ہے کہ ان لمحات میں اٹھ کھڑے ہوں۔
The climate crisis is here. #COP26 must be a turning point to protect people and the planet.
Leaders, the world is watching and urging you to rise to this moment. There’s no time to lose. #ActNow. https://t.co/zruhUorFCX @UN @antonioguterres @COP26 pic.twitter.com/U0Q7ijYNOf
— Leonardo DiCaprio (@LeoDiCaprio) October 31, 2021
ہالی ووڈ اداکار کا کہنا تھا کہ اس وقت ہمارے پاس ضائع کرنے کے لیے وقت نہیں بچا ہے۔
مزید پڑھیں: ماحولیاتی کانفرنس: عالمی رہنماؤں کی غیرسنجیدگی؟ گریٹا تھنبرگ کا بڑا اعلان
واضح رہے کہ گزشتہ روز موسمیاتی تبدیلی اور ماحولیاتی آلودگی سے متعلق مہم چلانے والی نوعمر سماجی کارکن گریٹا تھنبرگ کی جانب سے ہڑتال اور مارچ کا اعلان کیا ہے۔
انہوں نے مائیکروبلاگنگ ویب سائٹ ٹوئٹر پر جاری بیان میں کہا تھا کہ عالمی لیڈرز صرف بیان بازی اور دکھاوا کررہے ہیں۔
گریٹا تھنبرگ نے کوپ 26 کانفرنس کے حوالے سے کہا کہ عالمی رہنماؤں کے دکھاوے سے تبدیلی نہیں آتی بلکہ عوامی سے تبدیلی آئے گی۔
