The news is by your side.

Advertisement

واش رومز میں کیمروں کی تنصیب پر اسکول انتظامیہ کا مؤقف سامنے آگیا

کراچی میں قائم نجی اسکول انتظامیہ نے واش رومز میں لگے خفیہ کیمرے کے حوالے سے اپنا مؤقف پیش کردیا۔

اے آر وائی نیوز کے مطابق کراچی کے نجی اسکول کی انتظامیہ کا کہنا ہے کہ کیمرے واش روم کے بیسن ایریا میں لگائے گئے تھے، کیمرے لگانے کا مقصد تھا کہ لڑکوں اور لڑکیوں کے واش روم الگ رہیں۔

اسکول انتظامیہ کا کہنا ہے کہ کیمرے لگانے کا مقصد تھا کہ لڑکے یا لڑکیاں ایک دوسرے کے واش روم میں نہ جائیں۔

اسکول انتظامیہ کا کہنا ہے کہ محکمہ تعلیم کے ساتھ مکمل تعاون کریں گے۔

واضح رہے کہ گزشتہ روز کراچی کے ایک نجی اسکول کے واش رومز میں خفیہ کیمروں کی موجودگی کا انکشاف ہوا تھا۔

محکمہ تعلیم سندھ کا کہنا تھا کہ خفیہ کیمرے سے ویڈیوز بنائی جاتی تھیں، محکمہ تعلیم کی ٹیم نے اسکول کے دورے کے دوران واش رومز سے خفیہ کیمرے بر آمد کیے، اسکول کی رجسٹریشن منسوخ کردی گئی ہے۔

مزید پڑھیں: کراچی کے نجی اسکول میں خواتین واش روم میں خفیہ کیمروں کا انکشاف

محکمہ تعلیم سندھ کے حکام کا کہنا تھا کہ محکمہ تعلیم کو خواتین نے خفیہ کیمروں سے متعلق شکایت کی تھی۔ واش رومز خواتین اساتذہ کے ساتھ طالبات کے بھی زیر استعمال ہے۔

محکمہ تعلیم کی ٹیم نے بدھ کے روز اسکول کا دورہ کیا تھا، دورے کے دروان خواتین کے واش رومز سے خفیہ کیمرے بر آمد کیےگئے، ویجیلنس ٹیم نے خفیہ کیمروں سے متعلق رپورٹ محکمہ تعلیم کو جمع کروادی ہے، اسکول انتظامیہ کو شوکاز نوٹس جاری کردیا گیا تھا۔

Comments

یہ بھی پڑھیں