The news is by your side.

سرعام ٹیم کی نشاندہی پر خاتون کو ہراساں کرنے والا نوجوان گرفتار

اے آر وائی نیوز کے پروگرام سر عام کی ٹیم کی نشاندہی پر خاتون ملازمہ کو ہراساں کرنے والے پولیو ورکر کو گرفتار کرلیا گیا۔

تفصیلات کے مطابق اے آر وائی نیوز کے پروگرام سرعام کی جانب سے پولیو فرنٹ لائن ورکرز کے خاتون ملازمہ کو جنسی ہراساں کرنے کا معاملہ منظر عام پر لایا گیا تھا۔

انسداد پولیو پروگرام کے معاون ڈاکٹر شہزاد نے بتایا کہ جنسی ہراسانی میں ملوث فرنٹ لائن ورکر کو نوکری سے فارغ کردیا گیا ہے۔

انہوں نے یقین دہانی کرائی کہ ’خواتین کے تحفظ کو یقینی بنانے کے لیے اقدامات کررہے ہیں، کسی بھی خاتون پولیو ورکر کے ساتھ غلط رویے کی اجازت نہیں دے سکتے‘۔

ڈاکٹر شہزاد نے پاکستان میں جاری انسداد پولیو پروگرام کی خاتون کو ممکنہ مددفراہم کرنے کی یقین دہانی کرائی اور خواتین رضاکاروں کی خدمات کا اعتراف بھی کیا۔

دوسری جانب خاتون ملازمہ کوجنسی ہراساں کرنے والے پولیو فرنٹ لائن ورکر گرفتار کر کے تھانے منتقل کردیا گیا ہے۔

Comments

یہ بھی پڑھیں