The news is by your side.

Advertisement

گورنر سندھ کا کراچی کے ناجائز شادی ہالز اور کچرا کنڈی کو پارک بنانے کا اعلان

کراچی: گورنر سندھ عمران اسماعیل نے ناجائز شادی ہالز اور کچرا کنڈی کو ختم کر کے پارک تعمیر کرنے کی ہدایت دے دی۔

اے آر وائی نیوز کے مطابق گورنرسندھ عمران اسماعیل نے کراچی کے علاقے فیڈرل بی ایریا انچولی میں سادات شہدا پارک کا افتتاح کیا، اس موقع پر رکن قومی اسمبلی اسلم خان بھی موجود تھے۔ سادات شہدا پارک رکن قومی اسمبلی کے فنڈز سے از سر نو تعمیر کیا گیا ہے۔

گورنر سندھ نے پارک کی افتتاحی تقریب سے خطاب کرتے ہوئے کہا کہ پی ٹی آئی حکومت کی ترجیح عام آدمی کےمسائل کو حل کرنا ہے۔ انہوں نے ناجائز شادی ہالز کو مسمار  اور کچرہ کنڈی کو ختم کرکے پارک بنانے کا اعلان بھی کیا۔

عمران اسماعیل نے کہا کہ ’ہمیں کہاگیاکہ یہ چھوٹےکام وفاق کےنہیں وہ بڑےکام کرے، سندھ کا سب سے بڑا ٹرانسپورٹ کا منصوبہ وفاق نےدیا، گرین لائن کا اسٹینڈرڈ بین الاقوامی سطح کا ہے،  بس کا کرایہ چنگچی رکشوں کے برابر ہوگا۔

انہوں نے مہنگائی پر وضاحت پیش کرتے ہوئے کہا کہ پاکستان سمیت دنیا بھر میں قیمتیں بڑھی ہیں، وزیراعظم کی پوری کوشش ہےکہ وہ  قیمتیں نیچے لائیں، اجناس کی قیمتوں کا تعین صوبائی حکومتیں کرتی ہیں، آٹےکا اسٹاک سندھ کے پاس ہے، جس کو جاری کرنا بھی صوبائی حکومت کا ہی کام ہے،  12لاکھ ٹن گندم گودام میں پڑی ہے لیکن اسے ریلیز نہیں کیا جارہا، صوبائی حکومت کو آٹےکی قیمت میں کمی کیلئے کردارا ادا کرنا چاہیے۔

Comments

یہ بھی پڑھیں