The news is by your side.

Advertisement

شاہ رخ خان کی بہن ذہنی توازن کیوں کھو بیٹھیں؟

ممبئی: بالی ووڈ اداکار شاہ رخ خان نے اپنی بہن شہناز لالہ رخ خان کے صدمے میں ہونے کی وجہ بتادی۔

بھارتی میڈیا کے مطابق بالی ووڈ اداکار شاہ رخ خان نے اپنے ایک انٹرویو میں بتایا کہ شہناز کو والد کی موت کا گہرا صدمہ ہوا اور وہ اپنا ذہنی توازن کھو بیٹھیں، وہ دو سال تک سنبھل نہ سکیں اور اکثر بیمار رہنے لگیں۔

شاہ رخ خان نے بتایا کہ وہ اس عرصے کے دوران نہ تو روئیں اور نہ ہی کچھ بولیں لیکن والد کو کھونے کا غم ان کے چہرے پر عیاں تھا۔

اداکار نے بتایا کہ فلم دل والے دلہنیا لے جائیں گے کی شوٹنگ کے دوران ان کی طبیعت بگڑ گئی تھی جس کے بعد انہیں علاج کے لیے سوئٹزرلینڈ لے جایا گیا۔

شاہ رخ خان نے کہا کہ جب ہم گانا ’تجھے دیکھا تو یہ جانا صنم‘ کی شوٹنگ کررہے تھے تب بہن کا سوئٹزرلینڈ میں علاج چل رہا تھا۔

واضح رہے کہ شہناز عمر میں شاہ رخ سے 6 سال بڑی ہیں اور وہ شاہ رخ کے مقابلے میں اپنے والد میر تاج محمد کے زیادہ قریب تھیں۔

شاہ رخ کے والد کا انتقال 1981 میں کینسر کے باعث ہوا تھا، کہا یہ جاتا ہے کہ شہناز کو اس بات کا علم نہیں تھا، وہ اس وقت کہیں باہر گئی ہوئی تھی اور جب وہ گھر واپس آئیں تو اپنے والد کی لاش دیکھ کر بے ہوش ہوگئی تھیں۔

Comments

یہ بھی پڑھیں