The news is by your side.

Advertisement

70 سالہ سعودی شہری نے اسکول میں داخلہ لے لیا

علم حاصل کرنے کی کوئی عمر نہیں ہوتی، سیکھنے کا عمل عمر بھر جاری رہتا ہے، انسان زندگی کی آخری سانس تک کچھ نہ سیکھتا ہی رہتا ہے۔

سعودی عرب کی صبیا کمشنری کے ایک 70 سالہ معمر شہری صالح مفرح المصغری نے یہ بات اس وقت سچ ثابت کردی جب انہوں نے ثانوی اسکول کی دوسری جماعت میں داخلہ فارم جمع کرایا۔

المصغری، صبیا کے آل مشحنۃ ایجوکیشن کمپلیکس میں تعلیم حاصل کرنے والے سب سے معمر طالب علم ہیں-

سعودی شہری کا مقصد نہ کوئی عہدہ حاصل کرنا ہے اور نہ ہی تعلیم کے ذریعے کسی پیشے کا انتخاب بلکہ ان کا صرف ایک مقصد ہے اور وہ ہے تعلیم مکمل کرنا ہے۔

المصغری نے بتایا کہ جب میں نے آل مشحنۃ ایجوکیشن کمپلیکس کے پرنسپل کو ثانوی اسکول کی دوسری جماعت کے داخلے کا فارم پیش کیا تو انہوں نے خوش دلی سے خیرمقدم کیا اورمیرا حوصلہ بڑھایا، انہیں تعلیم مکمل کرنے کے حوالے سے میرا عزم اچھا لگا۔

معمر شہری المصغری نے صبیا میں محکمہ تعلیم کے ڈائریکٹر ڈاکٹر حسن خرمی کا بھی شکریہ ادا کیا، ان کا کہنا ہے کہ ان کے تعاون کی بدولت ہی مجھے تعلیم مکمل کرنے کا موقع ملا ہے۔

یاد رہے کہ چاچا صالح المصغری ایک عسکری ادارے میں ملازم تھے وہاں سے ریٹائر ہوچکے ہیں، وہ سوشل میڈیا کےشوقین ہیں اور روزانہ کی بنیاد پر سماجی رابطہ وسائل کو اچھا خاصا وقت دیتے ہیں۔

Comments

یہ بھی پڑھیں