The news is by your side.

Advertisement

پارٹی رہنماؤں کے اجلاس کی اندرونی کہانی : ’یہ ہمیں فاشسٹ کہتے ہیں، خود اس سے بڑھ کر ہیں‘

اسلام آباد: وزیراعظم عمران خان نے آٹا اور کھاد بحران کا ذمہ دار سندھ حکومت کو قرار دیتے ہوئے کہا ہے کہ کراچی میں سب سے زیادہ مہنگائی ہے۔

اے آر وائی نیوز نے وزیراعظم کی زیرصدارت پارٹی رہنماؤں کااجلاس کی اندرونی کہانی کا معلوم کیا۔ ذرائع نے بتایا کہ وزیراعظم نے آٹا، کھاد بحران کا ذمہ دار سندھ حکومت کو قرار دیا اور کہا کہ سندھ حکومت نے ذخیرہ اندوزوں کے خلاف کوئی کارروائی نہیں کی۔

وزیراعظم نے شرکا سے گفتگو کرتے ہوئے کہا کہ  سندھ حکومت کی نااہلی کی وجہ سے کراچی میں مہنگائی کےاعشاریے سب سے زیادہ ہیں، وفاقی حکومت ذخیرہ اندوزی کرنے والوں سے رعایت نہیں کی جائےگی۔

ذرائع کے مطابق اجلاس کے دوران مریم نواز میڈیا کے اشتہارات روکنے سے متعلق آڈیوٹیپ پر بھی گفتگوکی گئی۔

وزیراعظم نے کہا کہ ’یہ ہمیں فاشسٹ کہتے ہیں جبکہ یہ خود اس سےبڑھ کر ہیں، انہوں نے میڈیا میں تقسیم پیدا کرنے کی کوشش کی، مریم نواز نےکس حیثیت سے اشتہارات سے متعلق گفتگو اور ہدایات جاری کیں‘۔

ذرائع نے بتایا کہ وزارت اطلاعات نے اشتہارات کے معاملے سے متعلق وزیراعظم کو بریفنگ دی اور انہیں کارروائی سے متعلق بھی آگاہ کیا۔ اس پر وزیراعظم نے کہا کہ ہم پر میڈیا کی پابندی کا الزام عائد کرنے والے خود بے نقاب ہوگئے۔

Comments

یہ بھی پڑھیں