کراچی میں اسلامیہ کالج کے قریب نو عمر لڑکے سیکیورٹی گارڈ سے اسلحہ چھین کر فرار ہوگئے۔
اے آر وائی نیوز کے مطابق کراچی کے علاقے گرومندر سے متصل اسلامیہ کالج کے قریب نو عمر لڑکوں نے گارڈ سے اسلحہ چھینا اور اسے پاؤں میں گولی مار کر زخمی کردیا۔
نوعمر لڑکوں کی واردات کی ویڈیو منظرعام پر آگئی جس میں دیکھا جاسکتا ہےے کہ ڈاکو سیکیورٹی گارڈ کی رائفل چھین کر فرار ہورہے ہیں۔
فوٹیج میں نوعمر ڈاکوؤں کو فائرنگ کرتے بھی دیکھا جاسکتا ہے۔
https://youtu.be/-wFqxxGt0cA
ویڈیو میں دیکھا جاسکتا ہے کہ دیکھا جاسکتا ہے کہ نوعمر لڑکا واپس پلٹ کر آیا اور گارڈ کی تلاشی لی اور اس کی جیب سے کچھ نہ ملنے پر رائفل چھین کر فائرنگ کرکے زخمی کیا اور فرار ہوگئے۔
ویڈیو میں دیکھا جاسکتا ہے کہ مسلح ڈاکو پیدل آئے فوٹیج میں ان کی کوئی موٹر سائیکل نظر نہیں آرہی اور وہ پیدل ہی بھاگ نکلے۔
واضح رہے کہ شہر قائد میں روزانہ کی بنیاد پر لوٹ مار کی بے تحاشہ وارداتیں رونما ہوتی ہیں اور ڈاکو اس دوران مزاحمت پر شہریوں پر گولیاں برسادیتے ہیں۔
