ابوظبی: دکن گلیڈی ایٹرز نے فائنل معرکے میں دہلی بُلز کو شکست دے کر ٹی 10 لیگ 2021 کا ٹائٹل جیت لیا۔
تفصیلات کے مطابق ابوظبی میں کھیلے جانے والے فائنل معرکے میں دکن گلیڈی ایٹرز نے دہلی بلز کو 56 رنز سے شکست کر فتح سمیٹی، دہلی بلز 160 رنز کے تعاقب میں 103 رنز بناسکی۔
چندرپال ہیمراج کی 42 رنز کی اننگز بھی بُلز کو شکست سے نہ بچاسکی، عادل راشد نے 15 رنز بنائے، دکن گلیڈی ایٹرز کی جانب سے ملز، ہسارانگا اور اسمتھ نے دو، دو وکٹیں حاصل کیں۔
اس سے قبل دکن گلیڈی ایٹرز نے پہلے کھیل کر بغیر وکٹ گنوائے 159 رنز بنائے تھے، آندرے رسل نے 90 رنز کی جارحانہ اننگز کھیلی تھی۔
DECCAN GLADIATORS ARE #ABUDHABIT10 CHAMPIONS! 🏆🙌#InAbuDhabi #CricketsFastestFormat pic.twitter.com/igh54su60S
— T10 League (@T10League) December 4, 2021
دوسرے اوپنر کیڈ مور نے بھی 59 رنز کی طوفانی اننگز کھیلی، دہلی بُلز کا کوئی بھی بولر وکٹ لینے میں کامیاب نہ ہوسکا تھا۔
اس سے قبل تیسری پوزیشن کے میچ میں ٹیم ابوظبی اور بنگلا ٹائیگرز کا میچ ٹائی ہوگیا تھا، پوائنٹس ٹیبل پر بہتر پوزیشن ہونے کے سبب ٹیم ابوظبی نے تیسری پوزیشن حاصل کرلی تھی۔
Dre Russ was in the MOOD tonight 💪🔥#AbuDhabiT10 #InAbuDhabi #CricketsFastestFormat pic.twitter.com/KXYUnmjF3z
— T10 League (@T10League) December 4, 2021
بنگلا ٹائیگرز 99 رنز کے تعاقب میں 6 وکٹوں پر 98 رنز بناسکی تھی، ول اسمیڈ 25 اور ول جیکس نے 20 رنز بنائے تھے، نوین الحق نے 2، لیونگ اسٹون اور احمد دانیال نے ایک، ایک وکٹ حاصل کی تھی۔
Congratulations Team Abu Dhabi for securing 3rd place in #Season5 of the #AbuDhabiT10 🙌#InAbuDhabi #CricketsFastestFormat pic.twitter.com/Cjge6Uxohp
— T10 League (@T10League) December 4, 2021
پہلی اننگز میں ابوظبی نے پہلے کھیلتے ہوئے 5 وکٹوں پر 98 رنز بنائے تھے، کولن انگرام نے 41 اور فل سالٹ نے 21 رنز اسکور کیے تھے، محمد عامر، ہارٹلی، فلیچر، کریم اور صابر نے ایک، ایک وکٹ حاصل کی تھی۔