The news is by your side.

Advertisement

ڈپٹی کمشنر کے دفتر میں نصب قائد اعظم کے مجسمے کی عینک چوری

ملتان: پنجاب کے ضلع وہاڑی میں نصب قائد اعظم کے مجسمے پر لگی عینک کوئی نکال کر لے گیا، جس کا وزیراعلیٰ عثمان بزدار نے نوٹس لے کر رپورٹ طلب کرلی ہے۔

اے آر وائی نیوز کے مطابق پنجاب کے ضلع وہاڑی  میں  نامعلوم چوروں ڈپٹی کمشنر کمپلیکس میں نصب قائداعظم کے مجسمےکوبھی نہ بخشا اور وہ عینک چوری کر کے لے گئے۔

ڈپٹی کمشنر کے دفتر میں جدید سی سی ٹی وی اور سیکیورٹی انتظامات ہونے کے باوجود مجسمے سے عینک چوری ہونے کا واقعہ انتظامیہ کی کارکردگی پر سوالیہ نشان بن گیا۔

دوسری جانب وزیراعلیٰ پنجاب عثمان بزدار نے مجسمے سے عینک چوری ہونے کا نوٹس لیتے ہوئے کمشنر ملتان سے فوری رپورٹ طلب کی۔

مزید پڑھیں: مہاراجہ رنجیت سنگھ کے مجسمے کو توڑنے والے ملزم کی ضمانت منظور

یہ بھی پڑھیں: اولمپئن سمیع اللہ کے مجسمے سے ہاکی اور گیند دوبارہ چوری

عثمان بزدار نے کہا کہ قائد اعظم کے مجسمےسے عینک چوری کرنا انتہائی افسوسناک فعل ہے، واقعے میں ملوث افراد کے خلاف سخت قانونی کارروائی کی جائے اور انہیں کسی قسم کی رعایت نہ دی جائے۔

وزیراعلی عثمان بزدار نے قائداعظم کے مجسمے پر فوری طور پر دوسری عینک لگانےکی ہدایت بھی کی۔

Comments

یہ بھی پڑھیں