پی ایس ایل کے سیزن 7 میں کراچی کنگز کے 8 برقرار کھلاڑیوں کے نام جاری کردیے گئے۔
اے آر وائی نیوز کے مطابق پی ایس ایل 7 میں کراچی کنگز کے کپتان بابر اعظم اور عماد وسیم کو پلاٹینیم کیٹیگری میں برقرار رکھا گیا ہے، ڈائمنڈ کیٹگری میں محمد نبی اور فاسٹ بولر محمد عامر شامل ہیں۔
کراچی کنگز کے جو کلارک کو گولڈ کیٹگری میں برقرار رکھا گیا ہے اور وہ برانڈ ایمبسیڈر بھی ہوں گے۔
اسی طرح اوپنر شرجیل خان، آل راؤنڈر عامر یامین اور محمد الیاس کو گولڈ کیٹگری میں برقرار رکھا گیا ہے۔
مزید پڑھیں: پی ایس ایل 7 کے شیڈول کا اعلان ہو گیا
واضح رہے کہ پاکستان سپر لیگ 7 کا آغاز آئندہ سال 27 جنوری سے ہو گا۔ ایونٹ کے15 میچز کراچی اور 19میچز لاہور میں کھیلےجائیں گے۔
پی ایس ایل کا افتتاحی میچ ملتان سلطانز اور کراچی کنگز کےدرمیان کھیلا جائےگا اور 28جنوری کو کوئٹہ گلیڈی ایٹرز اور پشاور زلمی مدمقابل ہوں گے۔
