معروف اداکار جاوید شیخ، عفان وحید، زاہد احمد، صبا قمر اور درفشاں سلیم ٹیلی فلم ’ہنگور‘ میں مرکزی کردار ادا کررہے ہیں، ساجی گل کی تحریر کردہ یہ ٹیلی فلم 1971 کی پاک بھارت جنگ کے حقیقی واقعات پر مبنی ہے۔
گزشتہ روز فلم ’ہنگور‘ کا ٹریلر ریلیز کیا گیا تھا، فلم اے آر وائی ڈیجیٹل پر جلد نشر کی جائے گی۔
فلم میں مرکزی کردار نبھانے والی اداکارہ درفشاں سلیم نے انسٹاگرام پر پوسٹ شیئر کرتے ہوئے لکھا کہ ’ہنگور، مواد جو ہمیں بنانے کی ضرورت ہے، وہ مواد جس کی آپ سب کو تعریف کرنے کی ضرورت ہے، ہم نے اس ٹیلی فلم میں محنت کی ہے آپ کی محبت درکار ہے۔‘
درفشاں نے پوسٹ کے ساتھ اپنی نئی تصاویر شیئر کی جس میں انہیں خوشگوار موڈ میں دیکھا جاسکتا ہے۔
اداکارہ کی پوسٹ پر مداح ٹیلی ’فلم ہنگور‘ کے ٹریلر کی تعریف کررہے ہیں اور فلم کا بے چینی سے انتظار کررہے ہیں۔
واضح رہے کہ فلم کا نام پاکستان نیوی کی ڈیفنی کلاس آبدوز ہنگور کے نام پر رکھا گیا ہے جس نے بھارتی بحریہ کے ایک جنگی جہاز کو غرقِ آب کیا تھا۔
دوسری جنگ عظیم کے بعد پہلی بار کسی آبدوز نے بحری جنگی جہازکو تباہ کیا تھا۔
