پاکستانی ڈرامہ انڈسٹری کی معروف اداکارہ حرا مانی نے سوشل میڈیا پر اپنے مرحوم والد کے ساتھ بچپن کی یادگار تصویر شیئر کردی۔
اداکارہ حرا مانی نے فوٹو اور ویڈیو شیئرنگ ایپ انسٹاگرام پر اپنے والد کے ساتھ بچپن کی یادگار تصویر شیئر کرتے ہوئے جذباتی پیغام بھی شیئر کیا۔
حرا مانی کی بچپن کی تصویر میں دیکھا جاسکتا ہے کہ وہ اپنے والد کی گود میں بیٹھی ہوئی مسکرا رہی ہیں۔
اداکارہ نے تصویر شیئر کرتے ہوئے لکھا کہ ’ہم ملیں گے کہیں، اجنبی شہر کی خواب ہوتی ہوئی شام میں، شاہراہوں پر پھیلی دھوپ میں، ایک دن ہم کہیں ساتھ ہوں گے، وقت کی آندھیوں سے لڑتے ہوئے، وقت کو روکتے ہوئے، ایک ہی جیسے بہتے ہوئے۔‘
View this post on Instagram
حرا مانی نے لکھا کہ ’ہم ملیں گے کہیں باغ میں، گاؤں میں، دھوپ میں، چھاؤں میں، رات میں، دشت میں، شہر میں، مسجدوں میں، موسلا دھار بارشوں میں، خواب میں، گہرے پانی میں، گلیوں میں، جنگل میں، یا آسمانوں میں۔‘
اداکارہ نے لکھا کہ ’کون و مکاں سے پرے غیرآباد سیارو آرزو میں صدیوں سے خالی پڑی ہوئی بنچ پر جہاں موت بھی ہم سے دست و گریباں ہوگی۔‘
آخر میں انہوں نے لکھا کہ ’ابو! ابو ہم بھی بس ایک دو دن کے مہمان ہیں جہاں آپ گئے وہیں ہم بھی آئیں گے، آپ کے پیارے سے چہرے کو چومنے۔‘
واضح رہے کہ کچھ عرصہ پہلے ہی حرا مانی کے والد سید فرخ جمال انتقال کرگئےتھے۔
