راولپنڈی : ستمبر 1965 کی جنگ کے پانچویں روز پاکستانی فوج متعدد فتوحات اپنےنام کرتی رہی اور بھارت کو ناکامیوں کا سامنا کرنا پڑا تھا۔
تفصیلات کے مطابق پانچ ستمبر انیس سو پینسٹھ کو جنگ جاری تھی، اس جنگ میں پاکستانی فوج متعدد فتوحات اپنےنام کرتی رہی اور بھارت کو ناکامیوں کا سامنا کرنا پڑا تھا۔
وزیراعظم لال بہادرشاستری نے کہا کہ بھارت نئی حکمت عملی پرغورکرے گا اور ہم اس معاملے کو انجام تک پہنچانا چاہتے ہیں۔
صدرایوب نے بے مثال کارناموں اور کامیابیوں پر فوج کو مبارکباد دیتے ہوئے دشمن کو نیست ونابودکرنےکی ہدایت دی۔
جنرل موسیٰ نے کہا کہ تم نے دشمن کے جسم پر دانت گاڑ دیئے ہیں، اب دشمن کواس وقت تک نہیں چھوڑنا جب تک وہ مکمل طورپرتباہ نہ ہوجائے۔
وزیراطلاعات خواجہ شہاب الدین کا کہنا تھا کہ شاستری کوبتادوں کہ اگروہ یہ سوچ رہاہےکہ اس نے پاکستان کوچیلنج کیاہے، شاستری یہ یادرکھےکوئی پاکستانی قربانی دینے سے دریغ نہیں کرے گا، شاستری جان لےکہ وہ خودکواوراپنےعوام کودھوکادےرہاہے۔
رات بھرگھمسان کی جنگ کےبعدپاکستانی فوج بھارت کےمضبوط ترین محاذجوڑیاں پرقبضہ کرنےمیں کامیاب ہوگئی اس لازوال فتح کی بناپربھارتی فوج کو جوڑیاں سے 18 میل اوراکھنورسے 3 میل پیچھے دھکیل دیاگیا۔
پاک فوج کے جوانوں نے کشمیری حریت پسندوں کےساتھ مل کرمقبوضہ کشمیرمیں کئی مقامات پربھارتی فوج پرحملےکئے، پاک فوج کےحملےمیں 50سے زائدبھارتی فوجی ہلاک اورمتعددزخمی ہوئے۔
