The news is by your side.

Advertisement

ناظم آباد، مسلح ڈاکوؤں‌ کو گھر میں‌ داخل ہونا مہنگا پڑ گیا

کراچی: شہر قائد کے علاقے ناظم آباد نمبر دو میں 6 مسلح ڈاکو ایک گھر میں داخل ہوئے اور لوٹ مار کی کوشش کی۔

نمائندہ اے آر وائی نیوز کے مطابق ناظم آباد نمبر 2 میں واقع گھر میں ڈاکوؤں کے داخل ہونے کے بعد مکینوں نے شور مچایا اور اہل علاقہ کو مدد طلب کیا۔

مکینوں کی چیخ و پکار سُن کر علاقہ مکین مذکورہ مکان کے باہر جمع ہوئے اور انہوں نے 6 میں سے چار ملزمان کو پکڑ لیا۔عوام کا جم غفیر دیکھ کر دو ڈاکوؤں نے وہاں سے دوڑ لگانے میں ہی عافیت جانی۔

مشتعل عوام اور نوجوانوں نے  ڈاکؤوں کو تشدد کا نشانہ بنایا، اسی اثنا پولیس کی نفری بھی جائے وقوعہ پر پہنچ گئی۔

علاقہ مکینوں نے پولیس کے ساتھ تعاون کرتے ہوئے چار مسلح ڈاکوؤں اور اُن کے زیر استعمال دو موٹرسائیکلوں کو پولیس کے حوالے کیا۔ پولیس نے ملزمان کو تحویل میں لے کر تھانے منتقل کردیا جہاں اُن سے مزید تفتیش کی جائے گی اور پھر واقعے کا مقدمہ بھی درج کیا جائے گا۔

Comments

یہ بھی پڑھیں