The news is by your side.

Advertisement

کراچی یونیورسٹی میں لڑکی کو ہراساں کرنے کا واقعہ، 6 لڑکے گرفتار ، مقدمہ درج

کراچی : کراچی یونیورسٹی میں لڑکی کو ہراساں کرنے کے واقعے میں پولیس نے 6 لڑکوں کو گرفتار کرکے آئی بی اے طالب علم شہیر کی مدعیت میں مقدمہ درج کرلیا۔

تفصیلات کے مطابق کراچی یونیورسٹی انتظامیہ نے لڑکی کو ہراساں کرنے پر 6 لڑکوں کو پولیس کے حوالے کر دیا، پولیس کا کہنا ہے کہ یونیورسٹی انتظامیہ کی نشاندہی کے بعد لڑکوں کی گرفتاری لی گئی، آئی بی اے کا ایک طالبعلم اپنی دوست کو کراچی یونیورسٹی ڈراپ کرنے آیا تھا ، طالبعلم کی گاڑی میں 2 لڑکیاں تھیں جس میں سےایک کو ڈراپ کیا۔

واپسی پر یونیورسٹی کے رہائشی کچھ لڑکوں نے پیچھا کیا ، گاڑی کوراستےمیں روکنے کی کوشش کی اورغلط الفاظ کہے لیکن طالبعلم گاڑی تیزی سے بھگاتا ہوا وہاں سے نکل گیا۔

پولیس نے حراست میں لیے گئے 6لڑکوں کا ابتدائی بیان لے لیا ، زیرحراست ملزمان میں ذاکر،عمیر،عبدالرحمان، فیضان، زوار، حماد شامل ہیں اور 6 افراد کراچی یونیورسٹی کے رہائشی ہیں۔

بعد ازاں آئی بی اے طالب علم شہیر کی مدعیت میں کراچی یونیورسٹی میں لڑکی کو ہراساں کرنے کے واقعے کا مقدمہ درج کرلیا گیا، مقدمہ مبینہ ٹاؤن تھانے میں درج کیا گیا۔

ایف آئی آر میں کہا گیا ہے کہ لڑکی کو جامعہ کے احاطے میں ہراساں کیا گیا جبکہ مقدمے میں راستے میں رکاوٹ، ہراساں اور نازیبا الفاظ کی دفعات بھی شامل کی گئی ہے۔

خیال رہے 7 تاریخ کو سوشل میڈیا پر طالبعلم کی جانب سے پوسٹ لگائی گئی تھی۔

Comments

یہ بھی پڑھیں