The news is by your side.

Advertisement

دبئی پولیس نے ڈکیتی میں ملوث 6 پاکستانیوں کو گرفتار کرلیا

دبئی: متحدہ عرب امارات کے شہر دبئی میں ڈکیتی کی واردات میں ملوث 6 پاکستانیوں کو پولیس نے گرفتار کرلیا۔

عرب میڈیا کے مطابق دبئی پولیس نے اپنے ہم وطن شہری کے آفس میں لوٹ مار کرنے والے 6 پاکستانیوں کو گرفتار کرلیا، ملزمان النخیل میں واقعہ آفس سے پاکستانی 60 ہزار روپے، 1500 امریکی ڈالر اور 52 ہزار اماراتی درہم کے علاوہ سونے کی تین چین لوٹ کر فرار ہوگئے تھے۔

رپورٹ کے مطابق ایک پاکستانی شخص نے رپورٹ درج کرائی کہ وہ اپنے بھائی کے دفتر میں موجود تھا جب چند افراد نے دفتر کے دروازے پر دستک دی جونہی اس نے دروازہ کھولا تو وہاں 6 لوگ موجود تھے۔

متاثرہ شخص کے مطابق ملزمان آفس کے اندر داخل ہوئے اور بھائی کے بارے میں دریافت کیا جب اس نے بتایا کہ وہ یہاں نہیں ہے تو انہوں نے حملہ کردیا جبکہ دو تین افراد دفتر میں موجود نقدی لوٹنے لگے۔

رپورٹ کے مطابق ملزمان نے دفتر میں موجود مذکورہ شخص کی بہن پر بھی دھاوا بول دیا اور کے پاس موجود سونے کی تین چین چھین لی، دفتر سے جاتے وقت ملزمان نے دونوں بہن بھائیوں کو تشدد کا نشانہ بنایا اور فرار ہوگئے۔

مزید پڑھیں: دبئی پولیس کی کارروائی، 365 کلو گرام منشیات پکڑی گئی، 16 ملزمان گرفتار

متاثرہ خاتون کے مطابق ان کا بھائی ملزمان کے پیچھے بھاگا اور ان میں سے ایک شخص کو پکڑ لیا مگر اس شخص بھائی کو تشدد کا نشانہ بنایا اور فرار ہوگیا۔

پولیس نے ملزمان کو شارجہ سے گرفتار کیا، ملزمان کا کہنا تھا کہ وہ امارات میں کافی عرصے سے بے روزگار تھے جس کے باعث انہوں نے ڈکیتی کی واردات کی۔

پولیس کی جانب سے کارروائی مکمل ہونے کے بعد ملزمان کو عدالت میں پیش کیا جائے گا جہاں ان پر ڈکیتی اور تشدد کے الزامات کے تحت مقدمہ چلایا جائے گا۔

Comments

یہ بھی پڑھیں