The news is by your side.

Advertisement

کراچی میں فائرنگ اور پرتشدد واقعات میں 6 افراد زندگی کی بازی ہار گئے

کراچی: شہر قائد میں فائرنگ اور پرتشدد واقعات میں 6 افراد جاں بحق ہوگئے، گلزار ہجری سے ایک شخص کی چار دن پرانی لاش برآمد ہوئی۔

تفصیلات کے مطابق کراچی میں فائرنگ اور پرتشدد واقعات میں 6 افراد زندگی کی بازی ہار گئے، پولیس کا کہنا ہے کہ کورنگی ساڑھے پانچ نمبر کے قریب ایک شخص کی لاش ملی سے فائرنگ اور تشدد کرکے قتل کیا گیا۔

پولیس کے مطابق مقتول کی شناخت دانش حیدر کے نام سے ہوئی ہے، مقتول کو کسی اور مقام پر قتل کیا گیا اور لاش یہاں پھینکی گئی، ایس ایس پی کورنگی کے مطابق متول قائد آباد، کورنگی اور گلبرگ پولیس کو ڈکیتیوں کی مختلف وارداتوں میں مطلوب تھا۔

لیاقت آباد ڈاک خانے کے قریب بھی نامعلوم افراد کی فائرنگ سے ایک شخص جاں بحق ہوگیا، مقتول کو ضابطے کی کارروائی کے لیے اسپتال منتقل کردیا گیا۔

ادھر کیماڑی ڈوکس میں دو گروپوں کے درمیان چھریوں کے تصادم سے ایک شخص جاں بحق ار ایک زخمی ہوگیا، پولیس نے قتل میں ملوث ایک شخصص کو گرفتار کرلیا۔

بلدیہ ٹاؤن سعید آباد سے ایک شخص کی گھر سے تشدد زدہ لاش ملی، مقتول کی شناخت 35 سالہ محمد صدیق کے نام سے ہوئی ہے۔

کراچی کے علاقے جیل چورنگی کے ساتھ بھی ایک شخص کی جلی ہوئی تشدد زدہ نعش ملی، جسے ضابطے کی کارروائی کے لیے اسپتال منتقل کردیا گیا، پولیس کا کہنا ہے کہ واقعے کی تحقیقات کررہے ہیں۔

ادھر گلزار ہجری کے علاقے سے بھی ایک شخص کی چار دن پرانی لاش ملی جس کی شناخت محمد یعقوب کے نام سے ہوئی، پولیس کا کہنا ہے کہ واقعے کی تحقیقات جاری ہیں۔

Comments

comments

یہ بھی پڑھیں