The news is by your side.

Advertisement

امریکا کے 2 بڑے شہروں میں اندھا دھند فائرنگ سے 6 ہلاک، متعدد زخمی

ٹینیسی: امریکا میں فائرنگ کے واقعات نہ تھم سکے، 2 بڑے شہروں میں اندھا دھند فائرنگ سے 6 افراد ہلاک اور 25 زخمی ہو گئے۔

تفصیلات کے مطابق امریکی ریاست ٹینیسی میں فائرنگ کے تازہ ترین واقعے میں 3 افراد ہلاک اور 14 زخمی ہو گئے ہیں، اس سے قبل ایک ہی روز ریاست فلاڈیلفیا کی پُر ہجوم ساؤتھ اسٹریٹ میں فائرنگ سے 3 افراد ہلاک اور 11 زخمی ہوئے تھے۔

امریکا میں فائرنگ کا ایک اور واقعہ، اس بار اسپتال نشانہ، 4 ہلاک

مقامی پولیس کے مطابق فائرنگ کا تازہ واقعہ ریاست ٹینیسی کے شہر چٹانوگا کے ایک نائٹ کلب میں اتوار کو صبح سویرے پیش آیا، کچھ شہری گولیاں لگنے سے جب کہ کچھ فرار ہوتی گاڑیوں کے ذریعے کچل کر زخمی ہوئے۔

مقامی پولیس کے مطابق مجموعی طور پر 14 متاثرین کو گولیاں لگیں جب کہ 3 دیگر موقع سے فرار ہونے کی کوشش کرنے والی گاڑیوں سے ٹکرائے، 3 اموات میں سے 2 گولیاں لگنے سے ہوئیں اور ایک گاڑی سے کچلے جانے کی وجہ سے ہوئی۔

امریکا میں مسلح افراد کی فائرنگ کا ایک اور واقعہ، 3 ہلاک، 11 زخمی

پولیس کا خیال ہے کہ اس حملے میں متعدد قسم کے آتشیں اسلحہ استعمال کرنے والے متعدد شوٹر ملوث تھے، کوئی مشتبہ شخص حراست میں نہیں لیا جا سکا، نہ ہی پولیس نے ابھی تک کسی ممکنہ مشتبہ یا متاثرین کی شناخت کی، فائرنگ کا مقصد بھی واضح نہیں ہو سکا ہے۔

یاد رہے کہ اس سے قبل ریاست فلاڈیلفیا کی پُر ہجوم ساؤتھ اسٹریٹ میں فائرنگ سے 3 افراد ہلاک اور 11 زخمی ہوئے تھے، حملہ آور پولیس کے پہنچنے سے پہلے ہی فرار ہو گیا تھا، پولیس نے جائے وقوعہ سے 2 بندوقیں اور تین سو گولیوں کے خول برآمد کیے۔

Comments

یہ بھی پڑھیں