The news is by your side.

Advertisement

6 اراکین سینیٹ و قومی اسمبلی میں کرونا وائرس کی تصدیق

اسلام آباد: ملک میں کرونا وائرس اپنا پھیلاؤ سینیٹ اور قومی و صوبائی اسمبلیوں تک بھی پھیلا چکا ہے، 6 مزید اراکین سینیٹ و قومی اسمبلی میں کرونا وائرس کی تصدیق ہو گئی ہے۔

اے آر وائی نیوز کے مطابق چھ اراکین سینیٹ و قومی اسمبلی میں کرونا وائرس کی تصدیق ہوئی ہے، ذرایع کا کہنا ہے کہ کرونا کے شکار اراکین پارلیمان کی رپورٹ پارلیمنٹ حکام کے حوالے کر دی گئی ہے۔

جن اراکین میں کو وِڈ نائنٹین کی تصدیق ہوئی ہے ان میں رائے محمد مرتضیٰ، سبین رضوی، عبدالعزیز خان، محمد علی، بلال خان اور شاہ خالد خان شامل ہیں۔

واضح رہے کہ وزیر سائنس و ٹیکنالوجی فواد چوہدری نے آج پھر سینیٹ اور قومی اسمبلی کے اجلاس میں نہ جانے کا فیصلہ کرتے ہوئے مطالبہ کیا تھا کہ کرونا صورت حال کے پیش نظر ورچوئل اجلاس بلایا جائے۔

فواد چوہدری کا آج قومی اسمبلی کے اجلاس میں نہ جانے کا فیصلہ

ان کا کہنا تھا پارلیمان کے براہ راست سیشنز کے نتائج سامنے آ رہے ہیں، گزشتہ ایک ہفتے میں بہت سے پارلیمنٹیریز کرونا سے متاثر ہو چکے ہیں، ہمیں احتیاط کا دامن ہاتھ سے نہیں چھوڑنا چاہیے۔

خیال رہے کہ کرونا وائرس نے پارلیمنٹ ہاؤس میں بھی خطرے کی گھنٹیاں بجا دی ہیں، گزشتہ دنوں پارلیمنٹ ہاؤس کے 16 ملازمین وبائی مرض کا شکار ہو چکے ہیں۔ دو دن قبل کے پی سے تعلق رکھنے والے پاکستان تحریک انصاف کے ایم پی اے جمشید الدین کاکا خیل اور پاکستان مسلم لیگ ن کے رکن صوبائی اسمبلی شوکت چیمہ کرونا سے انتقال کر گئے تھے۔

Comments

یہ بھی پڑھیں