تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کویت سے 6 ماہ سے زیادہ باہر رہنے والوں کے لیے اہم خبر

کویت: کویتی حکام کا کہنا ہے کہ اب 6 ماہ سے زیادہ ملک سے باہر رہنے والوں کے رہائشی اجازت نامے (اقامے) خود بخود منسوخ ہو جائیں گے۔

تفصیلات کے مطابق کویت سے اب 6 ماہ سے زیادہ باہر رکنا ممکن نہیں ہوگا، وزارت داخلہ کی جانب سے جلد ہی اس سلسلے میں ایک باضابطہ بیان جاری کیا جائے گا۔

وزارت داخلہ کی جانب سے ڈیڈ لائن کے آغاز کے وقت کی بھی وضاحت کی جائے گی، اور تارکین وطن کو اتنا وقت دیا جائے گا، جس سے انھیں کویت واپسی میں کوئی مسئلہ درپیش نہیں ہوگا۔

حکام کے مطابق رہائشی امور کا جنرل محکمہ آرٹیکل 22 (انحصاری ویزا)، آرٹیکل 18 (جو نجی شعبے میں کام کرتا ہے) اور آرٹیکل 24 (نفس کفیل) کے حاملین کو 6 ماہ کی رعایتی مدت دے گا، جو ستمبر میں ختم ہونے کا امکان ہے۔

کویت سے باہر رہنے والوں کے لیے آن لائن اقامہ کی تجدید ابھی بھی نافذ العمل ہے، کیوں کہ شہری یا رہائشی کو یہ حق حاصل ہے کہ وہ ملک سے باہر رہتے ہوئے اپنی کفالت پر رہنے والوں کے رہائشی اجازت نامے (اقامے) کی تجدید کرے۔

یاد رہے کہ اس سے قبل یکم دسمبر 2021 کو وزارت داخلہ نے اعلان کیا تھا کہ کویت سے باہر 6 ماہ یا اس سے زیادہ رہائش کی مدت اختیار کرنے والے گھریلو ملازمین (20 نمبر ویزا رکھنے والے) کے اقاموں کی خودکار نظام کے ذریعے خود بخود منسوخی ہو جائے گی، تاہم وبائی بحران کی وجہ سے مختلف ممالک کے درمیان عائد سفری پابندیوں کی وجہ سے 6 ماہ کی خودکار منسوخی روک دی گئی تھی۔

انتظامیہ کا کہنا تھا کہ کویتی شہری جو کویت سے باہر گھریلو ملازمین کو 6 ماہ سے زائد عرصے کے لیے رکھنا چاہتے ہیں وہ متعلقہ شخص کی درخواست کے لیے انتظامیہ کو 6 ماہ سے پہلے درخواست دے سکتے ہیں کہ وہ اپنے گھریلو ملازم کو کویت سے باہر رہنے کی اجازت دے سکے۔

Comments

- Advertisement -