گڈانی کے ساحل پر نہاتے ہوئے 6افراد سمندر میں ڈوب گئے
The news is by your side.

Advertisement

گڈانی کے ساحل پر نہاتے ہوئے 6افراد سمندر میں ڈوب گئے

حب : گڈانی کے ساحل پر نہاتے ہوئے چھ افراد سمندر میں ڈوب گئے، جس میں سے چار کی لاشیں نکال لی گئی ہے جبکہ دو کی تلاش جاری ہے۔

تفصیلات کے مطابق کراچی کے قریب گڈانی کے ساحل پر نہاتے ہوئے چھ افراد سمندر میں ڈوب گئے، 4 خواتین کی لاشیں نکال لی گئیں اور دو کی تلاش جاری ہے جبکہ لاشوں کو کراچی منتقل کیا جا رہا ہے۔

ریسکیو ذرائع کا کہنا ہے کہ ڈوبنے والے افراد کا تعلق لیاری جونا مسجد کچھی پاڑا سے ہے، جو پکنک منانے کے لیے آئے تھے۔

یاد رہے کہ 5 روز قبل کراچی کے ساحل ہاکس بے پر پکنک منانے والے دو افراد ڈوب گئے تھے، جس کے اگلے روز دونوں نوجوانوں کی لاشیں نکال لی گئیں تھی۔

ایک نوجوان کی شناخت 19 سالہ فراز کے نام سے ہوئی، فراز ایف بی ایریا کا رہائشی تھا جبکہ دوسرے نوجوان کی شناخت اسامہ کے نام سے کی گئی تھی۔

خیال رہے اگست 2014 میں عید کے دوسرے روز کراچی کے ساحلی علاقے سی ویو پر سمندر میں نہاتے ہوئے 41 افراد گہرے سمندر میں ڈوب کر جاں بحق ہوگئے تھے۔

اس کے علاوہ کراچی کی انتظامیہ وقتاََ فوقتاََ سمندر میں ممکنہ خطرے کے پیش نظر ساحل پر دفعہ 144 نافذ کرتی رہتی ہے۔

واضح رہے کہ عید کےدوران ساحل پر عوام کی بڑی تعداد پکنک منانے آتی ہے اوراس دوران بعض منچلے سمندر میں نہاتے وقت احتیاطی تدابیر کا لحاظ نہیں رکھتے جس کے باعث اس طرح کے واقعات پیش آتے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں