The news is by your side.

Advertisement

شارجہ، 6 سالہ بچی عمارت کی تیسری منزل سے گر کر شدید زخمی، اسپتال منتقل

شارجہ: متحدہ عرب امارات کی ریاست شارجہ میں 6 سالہ بچی عمارت کی تیسری منزل سے گر کر شدید زخمی ہوگئی۔

عرب میڈیا کے مطابق شارجہ کے علاقے مویلی میں عمارت کی تیسری منزل سے گر کر 6 سالہ بچی شدید زخمی ہوگئی جسے انتہائی نگہداشت کے وارڈ منتقل کردیا گیا ہے۔

اسپتال انتظامیہ کا کہنا ہے بچی کے پورے جسم کی متعدد ہڈیاں متاثر ہوئیں ایکسرے رپورٹ میں جسم پر کئی فریکچرز سامنے آئے ہیں۔

پولیس کا کہنا ہے کہ القاسم اسپتال سے اطلاع ملی کہ ایک بچی کو اسپتال لایا گیا ہے جو کہ عمارت سے گر گئی ہے جس کے بعد جائے وقوعہ کا دورہ کیا اور شواہد اکٹھے کیے گئے۔

رپورٹ کے مطابق بچی کا تعلق بھارت سے ہے وہ اپنے گھر کی بالکونی میں کھیل رہی تھی کہ اچانک گر گئی جبکہ والدین گھرکے اندر موجود تھے۔

مزید پڑھیں: شارجہ: 18 ماہ کی بچی کے بالکونی سے گرنے پر والدین کیخلاف مقدمہ درج

پولیس نے حادثے کی وجوہات جاننے کے لیے تحقیقات کا آغاز کردیا ہے۔

متحدہ عرب امارات میں بچوں کے بالکونی سے گرنے کے واقعات میں اضافہ ہوا ہے گزشتہ تین ماہ میں 16 بچے اس طرح کے حادثات کا شکار ہوئے، حادثات کی وجہ والدین کی لاپرواہی کا نتیجہ قرار دیا جارہا ہے۔

واضح رہے کہ رواں سال مارچ میں بھی شارجہ کے علاقے کلبہ میں واقع رہائشی عمارت میں مقیم 18 ماہ کی بچی اچانک بالکونی سے گر گئی تھی۔

شارجہ پولیس نے پبلک پراسیکیوٹر کی شکایت پر متاثرہ بچی کے والدین کے خلاف لاپرواہی کا مقدمہ درج کیا تھا۔

Comments

comments

یہ بھی پڑھیں