تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

عمارت کی تزئین و آرائش کے دوران امریکی جوڑے کو ایک صدی قبل کی حیران کن چیز مل گئی

واشنگٹن: امریکا کے ایک چھوٹے سے قصبے میں ایک قدیم عمارت سے تزئین و آرائش کے دوران ایک صدی پرانی 60 فٹ لمبی دیوار گیر پیٹنگز (میورل) برآمد ہوئیں۔

امریکی میڈیا کے مطابق ایک تاریخی عمارت کو بار میں تبدیل کرنے کے لیے ایک جوڑے نے اس کی تزئین و آرائش شروع کی تو ایک صدی پرانے آرٹ ورک سے ان کا سامنا ہوا، جسے دیکھ کر وہ حیران رہ گئے۔

میڈیا سے گفتگو کرتے ہوئے مذکورہ جوڑے نک اور لیزا ٹِم نے بتایا کہ انھوں نے 2021 کے آخر میں سیئٹل کے مشرق میں واقع اوکانوگن میں ایک عمارت خریدی، ایک دن وہ اور ان کی ٹیم گھر میں موجود 115 سال پرانے تھیٹر کی مرمت کر رہے تھے کہ اس کی دیواروں پر پینٹ کیے گئے 60 فٹ کے فن پارے سامنے آ گئے۔

نِک نے بتایا کہ ہم نے سوچا کیوں نہ دیواروں پر کام شروع کرنے سے پہلے پلاسٹر کو اکھیڑ کر دیکھا جائے کہ ان کے پیچھے کیا ہے؟ جب انھوں نے پلاسٹر اکھیڑا تو اندر سے پوری دیوار پر ساٹھ فٹ لمبی قدرتی نظارے کی تصویر بنی ہوئی تھی۔

جون 1918 میں لی گئی یہ تصویر بتاتی ہے کہ یہ عمارت کبھی ایک تھیٹر تھی۔

ٹیم کے ایک ممبر نے کہا کہ تصویر کے مقابل دیوار پر بھی ایسی ہی تصویر ہوگی، جب دوسری دیوار کو اکھیڑا گیا تو ممبر کا شک درست ثابت ہوا، اتنے قدیم فن پارے دیکھ کر وہ سب جذبات میں چیخنے چلانے لگے۔ جوڑے کا کہنا ہے کہ ان تصاویر کو اب بحال کیا جا رہا ہے۔

نک کا کہنا تھا 1907 کے لگ بھگ اس عمارت میں ایک فلم تھیٹر، ایک پول ہال اور یہاں تک کہ ایک مرغ فائٹنگ اکھاڑا بھی قائم تھا۔

Comments

- Advertisement -