کابل: امارات اسلامیہ کے وزیراعظم محمد حسن اخوند نے کرکٹ بورڈ ممبران کے ناموں کا اعلان کردیا۔
افغان میڈیا رپورٹ کے مطابق محمد حسن اخوند نے منگل کے روز مشاورت کے بعد افغان کرکٹ بورڈ کے ممبران کے ناموں کا اعلان کیا، جس کے مطابق سابق آل راؤنڈ میر واعظ اشرف کو بورڈ کا مستقل چیئرمین نامزد کیا گیا ہے۔
حسن اخوند نے 9 رکنی کرکٹ بورڈ کا اعلان کیا، جس میں افغانستان میں کرکٹ شروع کرنے والے یا اس کھیل کو متعارف کرانے والے کھلاڑی داد نوری بھی شامل ہیں۔
مزید پڑھیں : عبرت ناک شکست افغان کرکٹ بورڈ کے چیئرمین کو لے ڈوبی
یہ بھی پڑھیں: طالبان نے افغان کرکٹ بورڈ کے اہم عہدیدار کو برطرف کردیا
رپورٹ کے مطابق کرکٹ بورڈ جلد تینوں فارمیٹ کے لیے نئی ٹیم کا اعلان کرے گا۔ امکان ظاہر کیا جارہا ہے اگست کے بعد ملک چھوڑنے والے کھلاڑیوں کو ٹیم میں شامل نہیں کیا جائے گا۔
ANNOUNCEMENT 📢
New Board Members Named to Afghanistan Cricket Board
More: https://t.co/zZDbJw8Gxv pic.twitter.com/LjuoR2o1XQ
— Afghanistan Cricket Board (@ACBofficials) December 21, 2021
یاد رہے کہ افغانستان کی منتخب حکومت کے خاتمے اور اگست میں طالبان کے اقتدار میں آنے کے بعد کرکٹ بورڈ سمیت تمام محکموں کو ختم کردیا گیا تھا، جس کے بعد ان کی تشکیل نو کا دوبارہ اعلان کیا گیا۔
