کراچی: قومی ٹیم کے نوجوان فاسٹ بولر شاہنواز دہانی کی کراچی کے اسپتال میں ناک کی سرجری ہوئی۔
اے آر وائی نیوز کے مطابق قومی ٹیم کے نوجوان فاسٹ بولر شاہنواز دہانی کی ناک کی کامیاب سرجری کردی گئی، ناک میں پتھر ہونے کی وجہ سے دہانی کو سانس لینے میں مشکلات کا سامنا تھا۔
شاہنواز دہانی کی ناک میں پتھر کی موجودگی ایم آر آئی سے معلوم ہوئی جس کے بعد ان کا فوری آپریشن کیا گیا۔
فاسٹ بولر کو آپریشن کے بعد اسپتال سے ڈسچارج کردیا گیا ہے، دہانی کو 4 جنوری کو اگلے چیک اپ کے لیے بلایا گیا ہے۔
After 2 hours long surgery Dr removed a stone from the nose of Shahnwaz Dhani, he wasn't taking breath from nose due to that stone, he is now stable & shifted in home.
اللہ مکمل صحت دے pic.twitter.com/H87NRRptNE— Shoaib Jatt (@Shoaib_Jatt) December 27, 2021
شاہنواز دہانی کو ناک کے مسئلے کی وجہ سے اکثر سانس لینے میں دشواری ہوتی تھی۔
فاسٹ بولر کی بچپن میں لگی چوٹ کی وجہ سے متاثر ہونے والی ناک کی ہڈی بھی ٹھیک کردی گئی ہے، شاہنواز دہانی پاکستان سپر لیگ (پی ایس ایل) کے آغاز سے قبل مکمل فٹ ہوجائیں گے۔