اسلام آباد: قومی اسمبلی اجلاس کے دوران پی پی کی شگفتہ جمانی اور تحریک انصاف کی ٖغزالہ سیفی میں جھڑپ ہوگئی۔
اے آر وائی نیوز کے مطابق قومی اسمبلی کے اجلاس کے دوران پیپلزپارٹی کی شگفتہ جمانی نے تحریک انصاف کے غزالہ سیفی کو تھپڑ جڑ دیا۔
پی ٹی آئی کی غزالہ سیفی اور پی پی کی شگفتہ جمانی نے ایک دوسرے کو دھکے بھی دئیے، اجلاس کے دوران اراکین اسمبلی نے بھی ایک دوسرے کو دھکے دئیے۔
قومی اسمبلی میں احتجاج، ایک خاتون رکن کا دوسری کو تھپڑ، شگفتہ جمانی اور غزالہ کیفی کے درمیان ہاتھا پائی،،، اسپیکر دیکھتے رہ گئے pic.twitter.com/Z2qQWMSJZr
— Naveed Akbar (@naveedakbarch) December 30, 2021
واضح رہے کہ قومی اسمبلی میں حکومت کی جانب سے ضمنی مالیاتی بل 2021 پیش کردیا گیا، اس دوران اپوزیشن ارکان نے سخت احتجاج کیا۔
بل پیش کیے جانے کے دوران اپوزیشن جماعتوں کے ارکان اپنی نشستوں سے اٹھ کر اسپیکر ڈائس کے قریب جمع ہوگئے اور شدید احتجاج کیا۔
اپوزیشن ارکان نے مہنگائی کیخلاف نعروں پر مبنی پلے کارڈز اٹھا رکھے تھے۔
