The news is by your side.

Advertisement

پولیس اہلکار کے گھر شادی کی تقریب میں صف ماتم بچھ گئی

لاہور: پنجاب کے دارالحکومت لاہور میں شادی کی تقریب میں صف ماتم بچھ گئی۔

اے آر وائی نیوز کے مطابق لاہور کے علاقے نصیر آباد میں شادی کی تقریب میں ہوائی فائرنگ کے نتیجے میں دو بھائی جاں بحق ہوگئے، جاں بحق ہونے والے بھائیوں کی شناخت ماجد اور صفدر کے ناموں سے ہوئی۔

ریسکیو ذرائع کا کہنا ہے کہ متوفی کی لاشوں کو ضابطے کی کارروائی کے لیے اسپتال منتقل کردیا گیا ہے۔

پولیس کے مطابق ماجد پولیس میں بطور کانسٹیبل اے وی ایل سی میں فرائض انجام دے رہا تھا، ترجمان آپریشنز ونگ کا کہنا ہے کہ ایس ایس پی آپریشنز مستنصر فیروز کی اسپتال آمد ہوئی اور لواحقین سے ملاقات کی۔

ذرائع کا کہنا ہے کہ جاں بحق بھائی دلہن کے عزیز تھے اور فائرنگ کرنے والے دلہا کے رشتے دار ہیں، ملزم کو اہلخانہ نے فائرنگ کرنے سے منع کیا تھا، بعدازاں ملزم عاصم نے کنوپی کے اندر بھی فائرنگ کی۔

پولیس کا بتانا ہے کہ ملزم دوران ہوائی فائرنگ اسلحہ پر قابو نہ رکھ سکا اور گولیاں سیدھے دونوں بھائیوں کو جالگیں۔

آئی جی پنجاب نے سی سی پی او سے واقعے کی رپورٹ طلب کرلی اور فائرنگ کرنے والوں کو جلد گرفتار کرنے کا حکم دیا۔

Comments

یہ بھی پڑھیں