معروف گلوکار فلک شبیر نے اہلیہ و اداکارہ سارہ خان کے لیے اپنا مشہور گانا گنگنایا جس کی ویڈیو وائرل ہوگئی۔
گلوکار فلک شبیر کی ایک ویڈیو انسٹاگرام پر وائرل ہورہی ہے جس میں وہ کسی تقریب میں گانا گا رہے ہیں، فلک نے گانا شروع کرنے سے پہلے اہلیہ سارہ خان کو مخاطب کرتے ہوئے کہا کہ سارہ یہ یہ گانا آپ کے لیے ہے۔
ویڈیو میں دیکھا جاسکتا ہے کہ فلک اپنا مشہور گانا ’تو میرا دل میری جان ہے، جانِ جہاں تو میرا مان ہے‘ گا رہے ہیں۔
View this post on Instagram
وائرل ویڈیو میں ناصرف فلک شبیر گانا سنا رہے ہیں بلکہ تقریب میں شریک لوگ بھی ان کی آواز سے آواز ملا کر یہ گانا گا رہے ہیں۔
واضح رہے کہ اس سے قبل اداکارہ سارہ خان نے انسٹاگرام پر شوہر فلک شبیر اور ننھی بیٹی عالیانہ کی ویڈیو شیئر کرتے ہوئے لکھا تھا کہ ’میں بابا کی گود میں خود کو محفوظ محسوس کرتی ہوں۔‘
سارہ کی جانب سے شیئر کی جانے والی ویڈیو میں دیکھا جاسکتا ہے کہ ننھی عالیانہ کو فلک شبیر گود میں اٹھائے ہوئے ہیں اور اسے سلانے کی کوشش کررہے ہیں۔
View this post on Instagram
اس سے قبل بھی سارہ نے بیٹی کے ساتھ تصویر شیئر کی تھی جس میں وہ عالیانہ کو پیار کررہی ہیں، اداکارہ نے اپنی پوسٹ کے کیپشن میں لکھا تھا کہ ’ماں بننا ایک بے حد حیرت انگیز اور خوبصورت احساس ہے۔
View this post on Instagram
یاد رہے کہ سارہ خان اور فلک شبیر کے ہاں گزشتہ سال اکتوبر میں بیٹی کی پیدائش ہوئی تھی، ننھی پری کا نام عالیانہ فلک رکھا گیا۔