پاکستان کے بھارتی دارالحکومت نئی دہلی میں قائم ہائی کمیشن نے محمد حبیب عرف سکا خان کو ویزا جاری کردیا۔
پاکستانی ہائی کمیشن کی جانب سے جاری کردہ اعلامیے کے مطابق سکا خان کوپاکستان میں اپنے بھائی محمد صدیق سے ملنے کیلئے ویزا جاری کیا گیا۔
پاکستانی ہائی کمیشن کا کہنا ہے کہ سکا خان کو اپنے خاندان کے دیگر افراد سے ملنے کیلئے ویزا جاری کیا گیا۔
ہائی کمیشن کے مطابق دونوں بھائی 74 سال بعد کرتار پور صاحب راہداری پر دوبارہ ملے تھے۔
ہائی کمیشن کی جانب سے جاری اعلامیے میں کہا گیا ہے کہ ویزا فری کرتارپور کوریڈور لوگوں کو ایک دوسرے کے قریب لارہا ہے۔
Sika Khan also met with CDA Aftab Hasan Khan and interacted with Mission's officers. He appreciated his interaction and thanked the CDA for the cooperation extended to him. pic.twitter.com/ZS4zSpia9j
— Pakistan High Commission India (@PakinIndia) January 28, 2022
انہوں نے بتایا کہ سکا خان نے سی ڈی اے آفتاب حسن خان سے بھی ملاقات کی۔
خیال رہے کہ گزشتہ دنوں قیامِ پاکستان کے وقت بچھڑنے والے دو بھائی 74 سال بعد کرتارپور میں ملے تھے۔
دونوں بھائیوں کی دہائیوں بعد ہونے والی ملاقات میں رقت آمیز مناظر دیکھنے میں آئے، دونوں بھائی ایک دوسرے سے گلے ملے اور زارو قطار رو دئیے تھے۔