The news is by your side.

Advertisement

اسلام آباد میں دو گروپوں میں فائرنگ، 4 افراد جاں بحق

اسلام آباد کے علاقے بھارہ کہو میں دو گروپوں کے درمیان فائرنگ کے تبادلے میں 4 افراد جاں بحق ہوگئے۔

اے آر وائی نیوز کے مطابق اسلام آباد کے علاقے بھارہ کہو میں دو گروپوں کی جانب سے فائرنگ کی گئی جس کے نتیجے میں 4 افراد جاں بحق اور متعدد افراد زخمی ہوگئے۔

ریسکیو ذرائع کا کہنا ہے کہ فائرنگ سے جاں بحق اور زخمی ہونے والے افراد کو پولی کلینک اسپتال منتقل کردیا گیا ہے۔

پولیس کے مطابق دونوں گروپوں میں جھگڑا پرانی دشمنی کا شاخسانہ ہے۔

مزید پڑھیں: اسلام آباد میں گاڑی پر فائرنگ، ایک شخص جاں‌ بحق، 4 زخمی

ذرائع کا کہنا ہے کہ ڈی آئی جی، ایس ایس پی آپریشنز، ایس پی سٹی جائے وقوعہ پر پہنچ گئے، پولیس حکام کا کہنا ہے کہ ملزمان کی شناخت کرلی گئی ہے جلد گرفتار کرلیا جائے گا۔

واضح رہے کہ چند ماہ قبل بھی اسلام آباد کے تھانہ آئی نائن کی حدود میں گاڑی پر فائرنگ کے نتیجے میں ایک شخص جاں بحق اور 4 افراد زخمی ہوگئے تھے۔

یاد رہے کہ گزشتہ سال جولائی میں اسلام آباد کے علاقے شمس کالونی میں ملزم نے فائرنگ کرکے بھائی، بھابھی اور بھتیجے کو موت کے گھاٹ اتار دیا تھا۔

Comments

یہ بھی پڑھیں