پاکستانی فلم اور ڈرامہ انڈسٹری کے معروف اداکار عثمان مختار نے بھارتی پروپیگنڈا بے نقاب کردیا۔
بھارتی سوشل میڈیا صارفین کی جانب سے حال ہی پنجگور اور نوشکی حملوں میں شہید ہونے والے کیپٹن دانیال کو عثمان مختار بنایا گیا اور ان کے ڈرامے کے کردار ’دانیال‘ کو جوڑ کر عثمان مختار کی موت کا دعویٰ کردیا گیا۔
واضح رہے کہ آئی ایس پی آر کے پراجیکٹ میں عثمان مختار ’میجر دانیال‘ کا کردار ادا کررہے ہیں۔
بھارتی صارف نے عثمان مختار کی فوجی وردی میں ملبوس ایک تصویر شیئر کرتے ہوئے لکھا کہ ’پاک فوج کے ایس ایس جی کمانڈر کیپٹن دانیال پنجگور میں انتقال کرگئے۔
Okaaayyyyy then. pic.twitter.com/98U5WgYy5Z
— Usman Mukhtar (@MukhtarHoonMein) February 5, 2022
صارف کے اس ٹویٹ کا اسکرین شاٹ عثمان مختار نے اپنے تصدیق شدہ اکاؤنٹ پر شیئر کرتے ہوئے لکھا کہ ’اچھا پھر۔‘
ایک اور ٹویٹ میں عثمان مختار نے کہا کہ ’ پروپیگنڈا کرنے والے اپنی اوقات میں رہیں، میں زندہ ہوں۔
Dear Propagandas – I’m alive. Please behave.
— Usman Mukhtar (@MukhtarHoonMein) February 5, 2022
یاد رہے کہ گزشتہ دنوں پنجگور اور نوشکی میں فورسز نے دہشت گردوں کے حملوں کو ناکام بنایا تھا جس کے نتیجے میں 15 دہشت گرد ہلاک اور کیپٹن دانیال سمیت 7 جوانوں نے جام شہادت نوش کیا تھا۔
