وزیراعظم عمران خان کی جانب سے قومی اسمبلی تحلیل کرنے کے فیصلے پر سابق سابق کپتان اور فاسٹ بولر وقار یونس کا بھی بیان آگیا۔
قومی ٹیم کے سابق کپتان اور فاسٹ بولر وقار یونس نے عمران خان کی ایک تصویر شیئر کی جس پر لکھا تھا ’میں یہ گم کھیلنے نہیں بلکہ گیم کو تبدیل کرنے آیا تھا۔‘
وقار یونس نے لکھا کہ ’کپتان ہمیں ہمیشہ کی طرح آپ پر فخر ہے، آپ نے کیا ماسٹر اسٹروک کھیلا ہے۔‘
انہوں نے مزید کہا کہ عمران خان نے اپوزیشن کی جانب سے جمع کرائی گئی تحریک عدم اعتماد کو تباہ کردیا۔
As always Proud of you Skipper💪🏿. What a Master stroke @ImranKhanPTI @PTIofficial #NoConfidenceMotion Crushed. #GameChanger #BornLeader #PakistanZindabad🇵🇰 pic.twitter.com/qE00vvXLAw
— Waqar Younis (@waqyounis99) April 3, 2022
واضح رہے کہ گزشتہ روز قومی اسمبلی کے اہم اجلاس کی صدارت کرتے ہوئے ڈپٹی اسپیکر قاسم سوری نے وزیرِ اعظم عمران خان کے خلاف اپوزیشن کی تحریکِ عدم اعتماد کی قرار داد مسترد کر دی۔
بعد ازاں وزیراعظم عمران خان کی تجویز پر صدر مملکت ڈاکٹر عارف علوی نے قومی اسمبلی تحلیل کر دی تھی جبکہ عمران خان نے پارٹی ارکان کے اعزاز میں دیے گئے عشائیے میں کہا تھا کہ اپوزیشن کو ابھی تک سمجھ ہی نہیں آ رہی کہ ان کے ساتھ کیا ہوا ہے۔
