بھارتی ریاست گجرات میں دلہے کو شادی پر رشتے داروں نے انوکھا تحفہ دے دیا جس کی تصاویر وائرل ہوگئیں۔
بھارتی میڈیا رپورٹ کے مطابق بھارتی ریاست گجرات میں دلہے کو شادی پر رشتے داروں نے لیموں کے ڈبے کا تحفہ دے دیا جسے دیکھ کر لوگ بے ساختہ ہنسنے پر مجبور ہوگئے۔
دلہا کے رشتہ داروں میں سے ایک دنیش نے لیموں تحفے میں دینے کے پیچھے منطق کی وضاحت کرتے ہوئے کہا ’اس وقت ریاست اور ملک میں لیموں کی قیمتیں بڑھ گئی ہیں، اس سیزن میں لیموؤں کی بہت مانگ ہے اس لیے میں نے لیموں پیش کئے ہیں۔
وائرل ہونے والی تصویروں میں دو لوگوں کو دلہا کو لیموں کے ساتھ ایک سرخ باکس تحفے میں دیتے ہوئے دیکھا جا سکتا ہے۔ شادی گجرات کے راجکوٹ کے شہر دھوراجی میں ہوئی۔
خیال رہے کہ پاکستان کے ساتھ ساتھ بھارت میں بھی اس سال کئی ریاستوں میں لیموؤں کی قیمتیں بڑھ گئی ہیں، ایک لیموں کی قیمت 10 سے 15 روپے کے درمیان ہے۔
गुजरात: राजकोट के धोराजी शहर में एक शादी समारोह के दौरान लोगों ने दूल्हे को नींबू भेंट किए।
दिनेश ने बताया, "इस समय राज्य और देश में नींबू की कीमतें बहुत बढ़ गई हैं। इस मौसम में नींबू की बहुत जरूरत पड़ती है। इसलिए मैंने नींबू भेंट किए हैं।" (16.04) pic.twitter.com/ciQ9MlwIC3
— ANI_HindiNews (@AHindinews) April 17, 2022
ماہرین کا کہنا ہے کہ لیموں کی قیمتوں میں اضافے کی وجہ لیموں کی کاشت میں ہونے والے دھچکے اور غیر موسمی بارشیں ہیں۔
گرمیوں کے موسم میں لیموں کی مانگ زیادہ ہونے کی وجہ سے یہ مزید مہنگے ہو گئے ہیں۔
اس ماہ کے شروع میں، جب بھارت میں پیٹرول اور ڈیزل کی قیمتیں 100 روپے سے تجاوز کر گئی تھیں تو ایک نئے شادی شدہ جوڑے کے دوستوں نے انہیں تامل ناڈو کے چنگل پٹو ضلع کے چییور گاؤں میں پیٹرول اور ڈیزل کی بوتلیں تحفے میں دی تھیں۔