لاہور: تحریک انصاف کے رہنما شہباز گل کا کہنا ہے کہ جس نے ساری سازش کی وہ آج بتا رہا ہے کہ مداخلت ہوئی ہے۔
اے آر وائی نیوز کے مطابق پی ٹی آئی رہنما شہباز گل نے سماجی رابطے کی ویب سائٹ ٹویٹر پر اپنے پیغام میں کہا کہ قومی سلامتی کمیٹی نے بھی کہہ دیا سازش نہیں مداخلت ہوئی ہے، آپ تو پہلے کہتے تھے یہ مراسلہ جھوٹا ہے پھر کہا گیا مراسلہ سچ ہے۔
شہباز گل کا کہنا تھا کہ پھرکہا گیا مداخلت ہوئی ہے سازش نہیں،عوام کو بےوقوف سمجھتے ہیں؟ عوام سب جانتے ہیں کہ میرجعفر کون ہے، سازش اور مداخلت عوام کیخلاف ہوئی تحقیقات سامنے لائیں۔
جس کو سازش کے تحت لایا گیا۔ جس نے ساری سازش کی آج وہ ہمیں بتا رہا ہے کہ سازش نہیں مداخلت ہوئی ہے۔
آپ تو پہلے کہتے تھے یہ مراسلہ جھوٹا ہے۔پھر کہا گیا مراسلہ سچ ہے۔ پھر کہا گیا مداخلت ہوئی ہے سازش نہیں۔ آپ عوام کو اتنا بے وقوف سمجھتے ہیں۔عوام سب جانتے ہیں کہ میر جعفر کون ہے
— Dr. Shahbaz GiLL (@SHABAZGIL) April 22, 2022
مزید پڑھیں: ‘سیکیورٹی اداروں کی تحقیقات میں یہ نتیجہ نکلا کہ کوئی بیرونی سازش نہیں’
انہوں نے کہا کہ تحقیقات سامنے لائیں دودھ کا دودھ پانی کا پانی ہوجائے گا، سازش کرکے سیٹ پر بیٹھ کر جھوٹ بولنے سے کوئی نہیں مانے گا۔
اس سے قبل وزیراعظم کی قومی سلامتی کمیٹی کے اجلاس کے جاری اعلامیے میں کہا گیا ہے کہ قومی سلامتی کمیٹی نے توثیق کی ہے کہ امریکی مراسلہ سازش نہیں مداخلت ہے۔
اعلامیے میں کہا گیا ہے کہ خفیہ اداروں نے اعلامیہ کی تحقیقات کی، واشنگٹن میں پاکستانی سفارتخانے کو ٹیلی گرام موصول ہوا تمام ترمعلومات، مراسلوں کی بنیاد پر کمیٹی نے فیصلہ کیا کہ غیرملکی سازش نہیں تھی مداخلت تھی۔
