سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر صارفین دنگ رہ جاتے ہیں۔
ایسی ہی ایک ویڈیو بھارت سے سامنے آئی ہے جس میں ایک ماں نے شیر خوار بچے کو تیز رفتار ٹرک کے نیچے آنے سے بچالیا۔
مذکورہ ویڈٰیو انگلش ٹیم کے فاسٹ بولر جوفرا آرچر نے ری ٹویٹ کی اور خاتون کو ’مدر آف دی ایئر‘ کا لقب دیا۔
ویڈیو میں دیکھا جاسکتا ہے کہ فیملی موٹر سائیکل پر جارہی ہے کہ اتنے میں تیز رفتار کار ڈرائیور موٹر سائیکل کو ٹکر مارتا ہے تو پیچھے بیٹھی ماں اور بچہ گر جاتے ہیں۔
ماں اور بچہ جیسے ہی گرتے ہیں تو قریب سے تیز رفتار ٹرک گزر رہا ہوتا ہے ماں اپنی جان کی پرواہ کیے بغیر بچے کو ٹرک کو پہیوں کے نیچے آنے سے بچالیتی ہے۔
Mother of the year https://t.co/qIZlz1PYEZ
— Jofra Archer (@JofraArcher) April 25, 2022
یہ واقعہ تین سال قبل پیش آٰیا تھا اور ماں کی بہادری کا سرکاری سطح پر اعتراف بھی کیا گیا تاہم اب یہ ویڈیو سوشل میڈیا پر دوبارہ شیئر کی گئی۔
سوشل میڈیا صارفین کی جانب سے ماں کی بہادری کو سراہا جارہا ہے اور کار سوار پر تنقید بھی کی جارہی ہے۔
