تازہ ترین

این سی او سی کا پاکستان آنے والے مسافروں کی کرونا رپورٹ پر تحفظات کا اظہار

اسلام آباد: این سی او سی نے خلیجی ممالک سے پاکستان آنے والے افراد کی کرونا رپورٹ پر تحفظات کا اظہار کردیا ہے۔

تفصیلات کے مطابق نیشنل کمانڈ اینڈ آپریشن سینٹر نے اس ضمن میں وزارت خارجہ کو خط تحریر کیا ہے، خط میں کہا گیا ہے کہ سعودی عرب سمیت خلیجی ممالک سے لوگ نیگٹو کرونا رپورٹس کیساتھ پاکستان آرہےہیں، پاکستانی ایئرپورٹس پر دوبارہ ٹیسٹ کےدوران بعض مسافر کےنتائج مثبت آئے۔

این سی او سی کی جانب سے وزارت داخلہ کو لکھے گئے خط میں کہا گیا کہ پچھلے پانچ دنوں میں ان ممالک سے آئے تریسٹھ لوگوں کا کرونا ٹیسٹ مثبت آیا، ان 63میں سے 47 افراد متحدہ عرب امارات سے پاکستان آئے۔

خط میں کہا گیا ہے کہ خلیجی ممالک سے پاکستان آنیوالے مسافر قابل اعتبار لیبارٹریز سے ٹیسٹ کرا کرپاکستان آئیں اور وزارت خارجہ اس ضمن میں اقدامات کو یقینی بنائے۔

یہ بھی پڑھیں: ایئرپورٹ پر کرونا مریضوں کو پکڑنے کیلیے انوکھا فیصلہ

دوسری جانب بیرون ملک سے آنے والے کوورنا مریض پکڑنے کےلیے انوکھا فیصلہ سامنے آیا ہے، اب سراغ رساں کتے ‏ایئر پورٹ پر کورونا مریض کی نشاندہی کریں گے، یہ فیصلہ جعلی کرونا رپورٹس سے پاکستان آنے والے مسافروں میں کورونا کیسز سامنے آنے کے ‏بعد کیا گیا ہے۔

اسلام آباد ایئر پورٹ پر سراغ رساں کتوں کی تعیناتی کی منظوری دے دی گئی ہے اور سراغ رساں ‏کتے ایئر پورٹ پر کرونا مریض کی نشاندہی کریں گے،پاک فوج ایئر پورٹ انتظامیہ کو تربیت یافتہ کتے فراہم کرے گی، سراغ رساں کتے12مئی سےتعینات ‏ہوں گے، اسلام آبادایئرپورٹ انتظامیہ نےاےسی سی ٹیم کوداخلےکی اجازت دے دی ہے۔

Comments

- Advertisement -