The news is by your side.

Advertisement

فلمی سین حقیقت بن گیا، اناڑی شخص نے طیارہ لینڈ کرلیا

بالی ووڈ کی مشہور فلم دھمال تو آپ کو یاد ہی ہوگی جس میں دکھایا گیا تھا کہ اناڑی پائلٹ نے کنٹرول روم کی ہدایت کے مطابق طیارہ کو لینڈ کرلیا تھا اب یہی فلم سین حقیقت بن گیا جب پائلٹ کی طبیعت بگڑی تو ایک شخص نے طیارہ کو باحفاظت زمین پر اتار لیا۔

ایسے ہی کچھ صورتحال امریکی ریاست فلوریڈا ایئرپورٹ پر دیکھنے میں آئی جہاں ایک پائلٹ بیامر ہوا تو ایک مسافر نے طیارے کو باحفاظت لینڈ کرلیا۔

اس واقعے پر دیگر پائلٹس پر بھی دنگ رہ گئے کیونکہ دوسری آڈیو ریکارڈنگ میں ایک اور ایئر ٹریفک کنٹرولز کو فضا میں موجود دیگر طیاروں کو صورتحال کے بارے میں بتاتے ہوئے سنا گیا۔

اس آپریٹر نے امریکن ایئرلائنز کے ایک پائلٹ کو بتایا کہ آپ نے ابھی ایک مسافر کو طیارے کو اتارتے ہوئے دیکھا ہے۔

رپورٹ کے مطابق سنگل انجن سیسنا 208 طیارے میں دو افراد سوار تھے اور اس دوران پائلٹ کی طبیعت بگڑ گئی تھی۔

اس موقع پرڈیرن ہیریسین نامی مسافر نے ایئر ٹریفک کنٹرول سے رابطہ کرتے ہوئے کہا کہ اسے سنگین صورتحال کا سامنا ہے، پائلٹ کی حالت خراب ہوگئی ہے اور اسے طیارے کو اڑانے کا کوئی تجربہ نہیں۔

اس صورتحال میں ایک ایئر ٹریفک کنٹرولر رابرٹ مورگن نے مسافر کو طیارے کو اتارنے کے لیے ہدایات دینا شروع کیں اور دونوں کی مشترکہ کوشش سے طیارے کو بحفاظت فلوریڈا کے پام بیچ انٹرنیشنل ایئرپورٹ پر اتارلیا گیا۔

دونوں کی درمیان ہونے والی گفتگو کی آڈیو کے متن کے مطابق ایئر ٹریفک کنٹرولر نے مسافر کو کہا کہ وہ ونگز لیول کو ایک سطح پر رکھنے کی کوشش کرے۔

درحقیقت اس طرح طیارے کی پرواز کو جاری رکھنے اور اتارنے کے لیے کم از کم 20 گھنٹے کی تربیت درکار ہوتی ہے مگر ایئر ٹریفک کنٹرولر نے اس لینڈنگ کو 10 میں سے 10 نمبر دیئے۔

طیارے کے اترنے کے بعد رابرٹ مورگن اپنے نئے طالبعلم سے ملے اور دونوں نے پرجوش معانقہ بھی کیا، رابرٹ مورگن نے کہا کہ ان کی نظر میں ڈیرن ہیریسین ایک ہیرو ہے میں تو بس اپنا کام کررہا تھا۔

Comments

یہ بھی پڑھیں