The news is by your side.

Advertisement

پاکستانی ڈاکٹروں کا کارنامہ، بچے کو نئی زندگی مل گئی

لاہور: چلڈرن اسپتال لاہور میں پاکستانی ڈاکٹروں نے کامیاب سرجری کرکے کمسن بچے کو نئی زندگی دے دی۔

اے آر وائی نیوز کے مطابق چلڈرن اسپتال لاہور میں چارہ کے ٹوکہ مشین سے کٹنے والے بچے کے دونوں ہاتھوں کی کامیاب سرجری کردی، بصیر پورہ اوکاڑہ کے رہائشی 5 سالہ بچے کے دونوں ہاتھ مشین میں آنے سے کلائی تک کٹ کر الگ ہوگئے تھے۔

چلڈرن اسپتال میں 12 گھنٹے کے طویل آپریشن سے بچے کے کٹے ہوئے دونوں ہاتھ جوڑ دیئے اور آپریشن مین سینئر پلاسٹک سرجن ڈاکٹر اسلم راؤ کی سربراہی میں چار رکنی ٹیم نے حصہ لیا۔

ڈاکٹر اسلم راؤ نے میڈیا سے گفتگو کرتے ہوئے کہا کہ 5 سالہ بچے کاشف کو ہاتھ کٹنے پر ڈی ایچ کیو اوکاڑہ لایا گیا تھا پھر وہاں سے مریض کو چلڈرن اسپتال ریفر کیا گیا۔

انہوں نے بتایا کہ چلڈرن اسپتال کی ٹیم نے پاکستان کی تاریخ میں دونوں کٹے ہاتھ دوبارہ جوڑ دیئے اور آپریشن کے بعد بچے کو وارڈ میں شفٹ کر دیا گیا ہے۔

ڈاکٹر اسلم راؤ کا کہنا تھا کہ بچے کا آپریشن کامیاب ہوا ہے اور وہ روبہ صحت ہے۔

Comments

یہ بھی پڑھیں