امریکا میں ماں ںے اپنے ایک سالہ بیٹے کے جسم پر ٹیٹوز بنوا دیے جس پر انہیں تنقید کا نشانہ بنایا جارہا ہے۔
غیرملکی خبررساں ادارے کی رپورٹ کے مطابق امریکی ریاست فلوریڈا کی ایک خاتون ڈیزائنر کو اس وقت سخت تنقید کا سامنا کرنا پڑا جب انہوں نے اپنے ایک سالہ بیٹے کی کے جسم کے مختلف حصوں پر عارضی ٹیٹوز بنوادیے۔
ویسٹ پام بیچ کی 29 سالہ شمیکیا مورس جو کہ پیشے کے لحاظ سے فیشن ڈیزائنر ہیں انہوں نے اپنے ایک سالہ بیٹے ٹرائیلن کے جسم پر ٹیٹوز اس وقت کندہ کرانا شروع کردیے تھے جب وہ صرف چھ ماہ کا تھا۔
رپورٹ کے مطابق ٹیٹوز بنوانا ان کی عادت بن گئی ہے کہ وہ اسے اپنے سوشل میڈیا پر ہزاروں پرستاروں سے شیئر کرتی ہیں اور شمیکیا مورس کے بہت سارے پرستار ان کے اس تصور سے متفق نہیں ہیں۔
جبکہ کچھ پرستاروں نے تو ان کے اس اقدام پر تنقید کرتے ہوئے انہیں غیر ذمہ دار ماں قرار دیا۔
واضح رہے کہ انہوں نے اپنے جسم پر بھی ٹیٹوز کندہ کرا رکھے ہیں تاہم ان کا کہنا ہے کہ یہ تنقید انہیں اپنے انداز زندگی سے روک نہیں سکتے کیونکہ اس سے میں اور میرا بیٹا لطف اندوز ہوتے ہیں۔
