اسلام آباد: حکومت نے پیٹرولیم مصنوعات کی قیمتوں کو برقرار رکھنے کا اعلان کردیا جس کا نوٹیفکیشن بھی جاری کردیا گیا ہے۔
اے آر وائی نیوز کے مطابق وزارت خزانہ نے پیٹرولیم مصنوعات کی قیمتوں کو برقرار رکھنے کا نوٹیفکیشن جاری کردیا جس کے بعد پیٹرول کی قیمت 179 روپے 86 پیسے پر برقرار رہے گی۔
وزارت خزانہ کا کہنا ہے کہ ہائی اسپیڈ ڈیزل کی قیمت 174 روپے 15 پیسے پر برقرار رکھی گئی ہے۔
اسی طرح مٹی کے تیل کی فی لیٹر قیمت 155 روپے 56 پیسے اور لائٹ ڈیزل کی فی لیٹر قیمت بھی 148 روپے 31 پیسے پر برقرار رکھی گئی ہے۔
واضح رہے کہ پیٹرولیم مصنوعات کی قیمتوں میں ردوبدل ہر 15 روز بعد کیا جاتا ہے۔
یاد رہے کہ گزشتہ دنوں حکومت نے پیٹرول اور ڈیزل کی قیمت میں 30 روپے اضافے کا اعلان کیا تھا جبکہ مٹی کے تیل اور لائٹ ڈیزل کی قیمت میں بھی اضافہ کیا گیا تھا۔
