تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیر خزانہ کی شاہ خرچیاں، سرکاری خزانے سے بنگلے کی تزئین و آرائش

اسلام آباد: وزیر خزانہ مفتاح اسماعیل نے گھر کی تزئین و آرائش پر سرکاری خزانے سے لاکھوں روپے خرچ کردیے۔

اے آر وائی نیوز کے مطابق وفاقی وزیر برائے خزانہ مفتاح اسماعیل نے سرکاری گھر کی تزئین و آرائش کے لیے سرکاری خزانے سے 48 لاکھ روپے خرچ کر ڈالے۔

ذرائع کا بتانا ہے کہ بنگلے کی تزئین و آرائش پر 48 لاکھ روپے کے اخراجات آئے ہیں۔

ذرائع کے مطابق مفتاح اسماعیل کی منتقلی سے قبل بنگلے کی تزین وآرائش کی گئی جس کے بعد وزیر خزانہ منسٹر انکلیو منتقل ہوگئے اور انہیں منسٹر انکلیو میں 22 نمبر گھر دے دیا گیا۔

حکومت کی جانب سے گزشتہ روز پیٹرولیم مصنوعات کی قیمتوں میں اضافہ کیا گیا جس کے بعد عوام اور شوبز ستارے بھی شہباز حکومت کو تنقید کا نشانہ بنارہے ہیں۔

وفاقی وزیر خزانہ مفتاح اسماعیل نے پیٹرولیم مصنوعات کی قیمتوں میں اضافے کا اعلان گزشتہ رات کرتے ہوئے بتایا کہ پیٹرول کی فی لیٹر قیمت میں 24.03 روپے اضافہ کیا جارہا ہے جب کہ ڈیزل پر 59.16 روپے، لائٹ ڈیزل آئل پر 39.16 روپے اور مٹی کے تیل کی قیمت میں 39.49 روپے فی لیٹر اضافہ کیا جارہا ہے۔

پیٹرولیم مصنوعات کی قیمتوں میں اضافے کے بعد عوام کی جانب سے حکومت پر سخت تنقید کی جارہی ہے اور سوشل میڈیا صارفین بھی میمز بنا کر حکومت پر طنز کررہے ہیں۔

Comments

- Advertisement -