The news is by your side.

Advertisement

مسلم لیگ ن کے 64 لوگ پارٹی چھوڑنا چاہتے ہیں، نبیل گبول

کراچی: پیپلزپارٹی کے رہنماء نبیل گبول نے کہا ہے کہ مسلم لیگ ن کے 64 لوگ پارٹی چھوڑنا چاہتے ہیں، نوازشریف کا پارٹی چھوڑ کر جانے کا بیان چوہدری نثار کے لیے پیغام ہے۔

اے آر وائی کے پروگرام سوال یہ ہے میں گفتگو کرتے ہوئے نبیل گبول نے کہا کہ مریم نواز اداروں پر اس لیے تنقید کررہی ہیں کہ آئندہ الیکشن میں شریف فیملی پر قائم مقدمات کو ختم کیا جائے، اداروں کے خلاف بیانات نوازشریف کے مستقبل کے لیے بھی نقصان دہ ہیں۔

انہوں نے کہا کہ الیکشن کا اعلان ہوتے ہی نوازشریف سیاسی پردے سے غائب ہوجائیں گے ، پاناما فیصلے کے باوجود شریف فیملی اور اسحاق ڈار کے نام ای سی ایل میں شامل نہیں کیے گئے۔

نبیل گبول نے کہا کہ نوازشریف کے جانے سے اسٹاک مارکیٹ کا انڈیکس نیچے لانے کا کھیل وفاقی وزیرخزانہ نے کھیلا ، اسحاق ڈار پاناما کیس میں نوازشریف سے بڑے مجرم ہیں۔

پی پی رہنماء نے کہا کہ اسحاق ڈار نے نااہلی سے دو روز پہلے کیا کہا وہ ساری باتیں ہمارے پاس موجود ہیں، وفاقی وزیر خزانہ نے نوازشریف کو بولا کہ وہ جیل نہیں جانا چاہتے۔

مائنس ون پر تبصرہ کرتے ہوئے نبیل گبول نے کہا کہ مسلم لیگ ن کے اپنے ہی لوگ اس فارمولے کی بات کررہے ہیں، مسلم لیگ ن کے وزراء خود کہہ رہے ہیں کہ نوازشریف آئندہ الیکشن میں حصہ نہیں لے سکتے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں